REQUISITOS:

• Estar empadroado/a no concello da Coruña cunha antigüidade mínima de 6 meses.
• Estar en situación de desemprego cunha antigüidade mínima de 1 mes desde a última data de alta.
• Ser maior de 16 anos e menor de 65 anos.

DOCUMENTACIÓN:

• DNI orixinal
• Declaración Responsable _ Desemprego cumprir os requisitos
• Autotización de acceso aos datos dos Servizos Públicos de Emprego e Tesourería Xeral da Seguridade Social.

• Para as persoas estranxeiras en situación administrativa irregular que non teñan residencia legal no país: Declaración Responsable _ Desemprego Irregulares cumprir os requisitos e autorizar o concello ao acceso de datos do INSS necesarios para comprobar que se cumpren os requisitos establecidos (este impreso poderase obter directamente en portelo ou ser descargado na páxina web do Concello da Coruña).

Requirirá a presenza da/o titular.

Esta tarxeta ten unha validez de seis meses, sempre que o/a solicitante continúe empadroado/a no concello da Coruña e en situación de desemprego. (No caso de variar a condición de desemprego, deberá achegarse ás nosas oficinas municipais para o seu cambio de perfil).

Roubo, perda ou deterioración

En caso de roubo, perda, deterioración ou mal funcionamento da tarxeta pódese solicitar un duplicado ou a súa reparación (segundo proceda), en calquera caso, é necesario que o/a titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por roubo, perda ou extravío

É necesario aboar a taxa establecida: 7 €. (Ordenanza fiscal núm. 1, epígrafe 1.11.4).

En caso de recuperación da tarxeta dada de baixa por extravío ou roubo, e tendo no seu poder unha nova, pode solicitar a través dun rexistro municipal a reasignación de saldo da tarxeta dada de baixa á activa. (É obrigatorio entregar a tarxeta recuperada).