- Inicio
- Plans e programas
- Orzamentos participativos
Orzamentos Participativos
O Concello da Coruña puxo en marcha desde o ano 2016 o proceso de orzamentos participativos a través da web A Porta Aberta, para a participación da cidadanía na elaboración de propostas para incluír nos orzamentos municipais.
Neste proceso, no que pode participar calquera persoa empadroada no municipio, poden propoñerse investimentos para a cidade e os seus distritos.
Existe unha primeira fase de recollida de propostas e información a través fundamentalmente da web habilitada para iso; unha segunda fase de apoios e avaliación para priorizar as propostas enviadas na fase anterior. Esta fase é moi importante porque serán as propostas máis votadas as que pasen á fase de votación final. Antes desta votación, durante a fase de avaliación, os diferentes servizos do Concello implicados estudan que cada unha das propostas elixidas cumpra os requisitos necesarios: que supoñan un gasto de investimento, que sexan viables tecnicamente, legais, e valoran o custo económico que supoñería levalas a cabo.
Por último, na fase de votación final selecciónanse as propostas para toda a cidade e, ademais, unha ou varias propostas para cada un dos distritos da cidade.
As propostas máis votadas incorporaranse ao proxecto inicial dos orzamentos xerais do Concello da Coruña para o exercicio seguinte.
Procesos participativos
Toda a información dos orzamentos participativos e procesos de participación pódese consultar desde aquí.
Destes procesos participativos levados a cabo nos últimos anos 2016-2019 viron a luz diferentes proxectos, propostos e votados pola cidadanía, que se pretenden acometer durante o ano 2020.
|
Actuación |
Dotación orzamentaria |
|
Instalación de bolardos na rúa Castro de Elviña |
6.000,00 |
|
Reordenación da rúa San Xosé con ampliación de beirarrúas e supresión de prazas de aparcamento |
120.000,00 |
|
Pacificación do tráfico na contorna do CEIP de Prácticas e IES Salvador de Madariaga |
23.289,00 |
|
Reducir a velocidade na rotonda das Paxariñas |
15.000,00 |
|
Creación da senda ciclista no distrito 6 |
50.000,00 |
|
Adaptación da cidade para persoas con mobilidade reducida |
205.000,00 |
|
Mellora e creación do carril bici |
131.043,00 |
|
Carril bici para toda a cidade: Cidade Escolar, Fernández Latorre e outros |
250.000,00 |
|
Base de BiciCoruña no complexo deportivo de Elviña |
53.000,00 |
|
Favorecer o uso da bicicleta na cidade |
42.350,00 |
|
Estación de BiciCoruña na avenida dos Mallos |
45.000,00 |
|
Estación de BiciCoruña no parque de Eirís |
45.000,00 |
|
Estación de BiciCoruña en Catro Camiños |
53.000,00 |
|
Estación de BiciCoruña no parque de Oza |
35.000,00 |
|
Estación de BiciCoruña para dar servizo a Novo Mesoiro e Pocomaco |
35.000,00 |
|
Estación de BiciCoruña nos polígonos e barrios da cidade |
264.000,00 |
|
Creación de parada de bus accesible na Urbanización Breogán |
47.042,00 |
|
Dotar de parada bus con marquesiña e información no aparcadoiro disuasorio de Lonzas |
40.000,00 |
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible