Tanto para obter por primeira vez a Tarxeta Millennium como para renovala.

REQUISITOS:

• Ter a idade de xubilación (no caso de non alcanzar a idade de xubilación o/a solicitante ou o/a seu/súa cónxuxe tramitaríase como perfil pensionista, sempre que teña pensión)
• Estar empadroado/a no Concello da Coruña cunha antigüidade mínima de seis meses.
• Ter ingresos que non superen en máis do 30 % o S.M.I. 1.235 €/mes = 17.290 €/ano por membro da unidade familiar (considéranse membros da unidade familiar cónxuxe, fillos/as menores ao seu cargo e fillos/as con incapacidade ao seu cargo).

DOCUMENTACIÓN:

• DNI orixinal
• Autorización ao Concello para o acceso aos datos fiscais necesarios para comprobar que se cumpren os requisitos establecidos (este impreso poderase obter directamente en portelo ou descargándoo na páxina web)
• Autorización ao Concello para o acceso aos datos do INSS necesarios para comprobar que se cumpren os requisitos establecidos (este impreso poderase obter directamente en portelo ou descargándoo na páxina web)
• Declaración Responsable _ Xubilado  de cumprir os requisitos.

Esta tarxeta ten unha validez ata o falecemento da súa persoa titular sempre que se manteña empadroado/a no concello da Coruña. En caso de variar esta condición, a tarxeta deberase entregar nas oficinas municipais para o seu cambio de perfil.

Roubo, perda ou deterioración:

En caso de roubo, perda, deterioración ou mal funcionamento da tarxeta pódese solicitar un duplicado ou a súa reparación (segundo proceda), en calquera caso, é necesario que o/a titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por roubo, perda ou extravío

É necesario aboar a taxa establecida: 7 €

En caso de recuperación da tarxeta dada de baixa por extravío ou roubo, e tendo no seu poder unha nova, pode solicitar a través dun rexistro municipal a reasignación de saldo da tarxeta dada de baixa á activa. (É obrigatorio entregar a tarxeta recuperada).