- Inicio
- Trámites e normativa
- Detalle Trámite
Tarxeta de residentes para a zona ORA
En que consiste?:
Distintivo que permite estacionar nas zonas reservadas para residentes no sector que figure na tarxeta e na franxa horaria que ocupa a zona ORA.
Onde se fai?:
A solicitude poderase presentar enviándolle un correo electrónico á empresa:
- Correo: residentes@coruna.setex.es
- Presencial: Oficinas Grupo Setex (avda. de Fernández Latorre, número 11, baixo). Teléfono: 881 123 938 (solicitude de cita previa).
Prazo de presentación:
Prazo de solicitude:
Desde o 15 de decembro de 2023 ao 31 de xaneiro de 2024 (ambos inclusive). Fóra do devandito prazo, con carácter excepcional, soamente se poderán solicitar tarxetas para novos vehículos, por cambio de domicilio ou outras causas debidamente xustificadas.
As persoas que soliciten a tarxeta fóra de prazo, tamén acudirán ás oficinas habilitadas para o efecto da empresa concesionaria SETEX, na avda. de Fernández Latorre núm. 11, ou a través do correo electrónico residentes@coruna.setex.es, achegarán a documentación necesaria, e xustificarán documentalmente a solicitude fóra de prazo. Para a solicitude presencial, cómpre solicitar a cita previa no teléfono 881 123 938.
Documentación necesaria:
RENOVACIÓNS:
A persoa que solicite a renovación da súa tarxeta de residente, e sempre que non modificase as condicións que lle dean dereito ela, deberá enviar por correo electrónico a residentes@coruna.setex.es a seguinte documentación, debidamente cuberta:
- Solicitude Distintivo de Residente Concello A Coruña debidamente asinada.
- Xustificante do ingreso da taxa por importe de 18,65 €, no número de conta ES23 0081 5363 2400 0114 9316. No concepto deberán figurar o nome da persoa solicitante-matrícula-ano (exemplo: José Pérez-1234BBB-2024).
Unha vez recibida e comprobada a dita documentación, a persoa usuaria recibirá un correo electrónico coa confirmación da alta como usuaria residente para o ano 2024.
No caso de que a persoa usuaria non poida acceder por medios telemáticos deberá presentar persoalmente, obtendo cita previa no teléfono 881 123 938, a documentación e, unha vez comprobada esta, procederase á alta como usuario/a residente para o ano 2024.
NOVAS ALTAS:
A persoa que desexe solicitar por PRIMEIRA VEZ a súa tarxeta de residente deberá remitir por correo electrónico residentes@coruna.setex.es a seguinte documentación:
- Solicitude Distintivo de Residente Concello A Coruña debidamente asinada.
- Fotocopia DNI do/a solicitante.
- Fotocopia do Permiso de Circulación do Vehículo.
Unha vez recibida e comprobada a documentación, o/a usuario/a recibirá un correo electrónico no que será informado/a do dereito ou non ao acceso ao devandito distintivo. En caso afirmativo, a persoa usuaria deberá realizar o aboamento correspondente no número de conta ES23 0081 5363 2400 0114 9316 por importe 18,65 €. No concepto deberán figurar o nome do/a solicitante-matrícula-ano (exemplo: José Pérez-1234BBB-2024). O devandito xustificante será enviado por correo electrónico a residentes@coruna.setex.es .
Unha vez recibido e comprobado, o/a usuario recibirá un correo electrónico coa confirmación da alta como usuario/a residente para o ano 2024.
No caso de que o/a usuario/a non poida acceder por medios telemáticos deberá presentar persoalmente a documentación, obtendo cita previa no teléfono 881 123 938 e, unha vez comprobada esta, confirmaráselle o dereito ou non á devandita tarxeta. En caso afirmativo, deberá realizar o aboamento da taxa correspondente, en efectivo ou achegando o xustificante do ingreso.
Canles de presentación
Presencial
Que se necesita?:
O distintivo de estacionamento de Uso de Residente está supeditado ao cumprimento dos requisitos que se mencionan a continuación e ao pago da taxa correspondente.
O período de vixencia da tarxeta terminará o 31 de decembro de cada ano.
A tarxeta de residente non terá validez nos espazos de Uso Xeral.
Soamente a poderán adquirir as persoas físicas. Non existe un máximo de tarxetas por domicilio, nin por titular. Coa condición de que se cumpran os requisitos que se enumeran a continuación, pódense solicitar as que se desexen (unha por vehículo):
- Ter o seu domicilio en zona ORA.
- Ser titular do vehículo para o que se solicita a tarxeta.
- Aboar a taxa establecida por un importe de 18,65 € (Ordenanza fiscal núm 21).
- Estar ao corrente de pago do IVTM neste concello, ou gozar de exención.
- Non ter pendente de pago en vía executiva sancións de circulación co concello no momento de efectuar a solicitude.
Internet
Teléfono
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible