A cidade da Coruña está a cambiar a súa forma de moverse. A cidadanía de todas as idades descobre unha mobilidade saudable cos beneficios físicos que achega o exercicio.

A bici é un medio de transporte que se promove e se propaga por toda a cidade, por iso a DXT, en colaboración co Concello da Coruña estivo presente na Semana Europea da Mobilidade co seu circuíto de habilidades.

As e os máis pequenos e non tan pequenas/os gozaron da actividade, guiadas/os por unha persoa voluntaria que explicaba o funcionamento do dito circuíto e á súa vez informaba da importancia de ter unha disciplina viaria correcta, promovendo a seguridade no tránsito e mellorando as relacións e condutas viarias para así previr sinistros nas vías.