O Concello destina á exhibición da Semana Europea da Mobilidade o lugar máis concorrido da cidade, o espazo máis céntrico de toda a urbe. Este lugar cada ano (e en particular no último) experimentou un extraordinario crecemento no terreo da mobilidade sustentable.

Trátase dun boulevard de gran amplitude para as persoas que camiñan ou circulan en bicicleta, para os que toman o bus e no que se dificultou o uso do vehículo a motor pola prioridade do resto dos usuarios da vía.

De feito, a poucas decenas de metros do espazo neurálxico e central da mostra da SEM a rúa Rúa Nova, é xa peonil, logo de anos de intenso tráfico motorizado, a rúa Real, conduce aos paseantes á praza do palacio consistorial e todo o espazo da fachada do porto interior é só accesible para os coches de servizo público ou con residencia ou garaxe na zona. Miles de veciños e veciñas camiñan cara aos seus traballos por esta ruta e moitos cidadáns e cidadás pasean por esta zona de recreo e esparexemento, sendo unha zona de gran afluencia turística.

No acto de apertura, os medios cobren as palabras das primeiras autoridades da cidade, encabezadas pola Alcaldesa e o Concelleiro de Urbanismo, Vivenda, Infraestruturas e Mobilidade, Juan Díaz Villoslada, acompañados de representantes dos partidos municipais da oposición, que tamén acoden ao acto.

A alcaldesa mostrou a súa satisfacción "por avanzar significativamente no último ano na nosa aposta por un cambio de modelo de cidade" e dixo que o goberno municipal xa investiu "7,5 millóns de euros en 35 accións que aumentan o espazo urbano para as persoas" dentro do Programa Coruña Camiña, avanzou na mellora da mobilidade ciclista coa promoción de Cidade 30, a ampliación dos carrís bici existentes e a mellora da rede BiciCoruña aumentando o número de estacións e bicicletas.

O concelleiro de Urbanismo, Vivenda, Infraestruturas e Mobilidade, Juan Díaz Villoslada, sinalou que, o modelo de cidade que queremos debe construírse xunto coas políticas públicas, as políticas municipais e as orientacións que nos está dando a Unión Europea a través da dotación de fondos destinados á reconstrución á mobilidade. Villoslada reclamou a progresión da mellora da calidade do aire e a procura de mellores cotas de seguridade viaria para lograr o obxectivo de cero accidentes. Neste sentido, dixo que, os esforzos por implementar a Cidade 30 na Coruña, novas redes transitables e espazos públicos peonís ou semipeoniis e a mellora das redes de bicicletas contribúen a desenvolver políticas para construír unha cidade máis amigable, saudable e segura".