Dentro do marco da programación da Semana Europea da Mobilidade, o Concello da Coruña en colaboración con Stop Accidentes, realizarán actividades informativas de mobilidade activa, segura, saudable e sostible e un taller de chapas para que os máis pequenos multipliquen as súas mensaxes de mobilidade, baixo o lema:

"Pola túa saúde, móvete de forma sostible"

O taller de chapas está destinado a nenos e nenas de seis anos en diante. Comeza coa creación dunha mensaxe ou imaxe para a nosa chapa que se plasma cun pequeno debuxo pintado con vivas cores. Só hai unha condición: ten que ter unha mensaxe ou imaxe alusiva á educación viaria!

O obradoiro de chapas é un exemplo de éxito asegurado. Cumpre dúas funcións moi cativadoras para os/as máis pequenos/as da casa: dar renda solta á súa imaxinación, empregar ceras e rotuladores e, ao final do traballo, poder levar algo de recordo.