Escolares do colexio IES Rafael Puga Ramón, de 3º da ESO, achegáronse ás dependencias do Servizo Municipal de Mobilidade, á Sala do Control do Tráfico da Coruña. Esta visita está relacionada cos programas educativos municipais, en concreto o de Mobilidade "Sostible"; no que é un punto moi relevante para o Medio Ambiente, por axentes como a contaminación atmosférica e ruídos.

Unha nova mobilidade está a abrirse camiño en todas as cidades do mundo e na nosa cidade non é unha excepción: carrís bici, zonas 30, peonalizacións, superior ocupación dos peóns en zonas de tránsito compartido, rúas a un só nivel etc.

Desde a Sala de Control do Tráfico contrólase a rede semafórica da cidade, visiónsase a circulación das vías principais e moitas das secundarias, tómanse decisións de xestión do tráfico rodado tanto puntuais e concretas (en tempo real). Renovarase pronto, coa incorporación dunha gran pantalla que eliminará todos os monitores, contando con tres divisións fundamentais:

• A dos monitores e os axentes de policía en directo.
• Unha sala contigua, na que unha concesionaria fai tarefas complementarias ao traballo dos axentes de policía.
• E por último, unha sala de reunións a modo de Gabinete "de Crise", desde onde abordar calquera episodio grave e concreto sen que sexa necesario abandonar a zona xeral do visionado das cámaras.