- Inicio
- Detalle Contenido
Imposto sobre vehículos de tracción mecánica
O imposto sobre vehículos de tracción mecánica (IVTM) é un imposto real, directo e obxectivo, de titularidade municipal e de exacción obrigatoria que se encontra nos artigos 92 a 99 do TRLRHL e na Ordenanza fiscal número 52.
Feito impoñible:
O feito impoñible está constituído pola titularidade dos vehículos de tracción mecánica aptos para circular polas vías públicas, calquera que sexa a súa clase e categoría.
Obrigado tributario:
Son suxeitos pasivos deste imposto as persoas físicas ou xurídicas a cuxo nome conste o vehículo no permiso de circulación.
Tarifas do imposto:
O imposto esixirase de acordo co cadro de tarifas establecido no artigo 95.1 do Real decreto lexislativo 2/2004, do 5 de marzo, que aproba o texto refundido da Lei reguladora das facendas locais, ás que se aplicarán os coeficientes fixados na disposición adicional primeira. O devandito cadro de tarifas consiste en asignar a cada clase de vehículo, en función do seu "factor tributario" (potencia, número de prazas, capacidade de carga útil ou cilindrada), unha cantidade ou cota en euros.
Beneficios fiscais:
Exencións
- Vehículos conducidos por persoas con discapacidade (art. 93.1 e Texto Ref. Lei HHLL)
- Vehículos destinados ao transporte de discapacitados (art. 93.1 e Texto Ref. Lei HHLL)
- Tractores, remolques e semirremolques provistos da Cartilla de Inspección Agrícola (art. 93.1 g Texto Ref. Lei HHLL)
Bonificacións
- Bonificación do 100% para vehículos históricos ou aqueles que, a 31/12/2015, teñan unha antigüidade mínima de 25 anos (art. 5.1 OF núm. 52).
- Bonificación do 60 % durante ano da súa matriculación e seguintes para vehículos híbridos (art. 5.2. A OF núm. 52).
- Bonificación do 60 % durante ano da súa matriculación e seguintes para vehículos de motor eléctrico e/ou emisións nulas (art. 5.2.B OF núm. 52).
- Bonificación do 60 % durante ano da súa matriculación e seguintes para vehículos que utilicen como combustible biogás, gas natural comprimido, metano, metanol, hidróxeno e GLP ou mixtos GLP-gasolina en motores de ciclo OTTO (art. 5.2.C OF núm. 52).
Normativa legal :
Outros trámites
Preguntas frecuentes
Impresos e outros documentos
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible