- Inicio
- Detalle Contenido
IAPP
Inscrición de animal potencialmente perigoso no rexistro municipal de animais potencialmente perigosos
Canles:
Presencial
Tipo:
Inspectora
Materia:
Medio ambiente
Vixente:
Si
O titular de licenza de animal potencialmente perigoso que resulte propietario está obrigado a inscribilo no rexistro municipal de animais potencialmente perigosos existente no municipio onde resida habitualmente o citado animal.
Os datos do rexistro municipal serán comunicados polo Concello ao Rexistro galego de identificación de animais de compañía e potencialmente perigosos, no prazo máximo de 15 días, contados desde o momento da inscrición dun animal potencialmente perigoso.
Inscrición de animal potencialmente perigoso no rexistro municipal de animais potencialmente perigosos
Inscricións:
Sobre o procedemento
A quen vai dirixido?:
Persoa física, maior de idade, propietaria do animal potencialmente perigoso.
Requisitos:
Para solicitar a inscrición dun animal potencialmente perigoso é necesario ser propietario do animal e ser titular de licenza para a tenza de animais potencialmente perigosos.
Na solicitude deberá sinalar se o animal teno para compañía ou garda, defensa ou caza.
A solicitude presentarase dentro dos quince días seguintes á obtención da correspondente licenza municipal para tenza dun animal potencialmente perigoso.
Prezo / Custo:
Taxa prevista na ordenanza fiscal nº 10 (por prestación de servizos de sanidade preventiva relacionados con animais de compañía e outros servizos de prevención): 6,18 euros.
Órgano que resolve:
Titular da Concellería Delegada de Medio Ambiente e Sostibilidade
Máis información:
Os datos que deberán constar, como mínimo, no rexistro municipal de animais potencialmente perigosos serán os seguintes:
- Datos persoais do titular: nome, dirección habitual, DNI e teléfono de contacto.
- Características do animal que fagan posible a súa identificación: idade, especie, raza, características externas e número de microchip.
- Lugar habitual de residencia do animal.
- Función/aptitude do animal (compañía ou garda, defensa, caza).
A omisión da inscrición no rexistro municipal de animais potencialmente perigosos é constitutiva de infracción administrativa grave, podendo ser sancionada con multa de ata 2.400 euros , sen prexuízo das sancións accesorias previstas na lexislación vixente, entre elas, a confiscación e comiso do animal, así como a suspensión temporal ou definitiva da licenza para tenza de animais potencialmente perigosos.
Normativas relacionadas
- Lei 39/2015, do 1 de outubro, do procedemento administrativo común das administracións públicas
- Lei 50/1999, do 23 de decembro, sobre o réxime xurídico da tenza de animais potencialmente perigosos
- Real decreto 287/2002, do 22 de marzo, polo que se desenvolve a lei que regula a tenza de animais potencialmente perigosos
- Decreto 90/2002, do 28 de febreiro, polo que se regula a tenza de animais potencialmente perigosos
- Lei 4/2017 do 3 de outubro, de protección e benestar dos animais de compañía en Galicia
Presentación
Documentación necesaria:
- Solicitude Xeral: Solicitude xeral.
- Fotocopia cartilla veterinaria: Fotocopia das páxinas da cartilla veterinaria onde veña: nome, especie, raza, sexo, data de nacemento, características externas identificatorias, e enderezo do animal.
- Microchip: Copia compulsada do documento acreditativo da implantación do microchip do animal asinado por veterinario autorizado.
- Información sobre a licenza municipal: nº de licenza e data de expedición. Se a licenza foi obtida noutro concello, fotocopia da dita licenza
- Xustificante: Xustificante de aboamento da taxa prevista na Ordenanza Fiscal nº 10.
Documentos relacionados
Canles de presentación
Presencial
Que se necesita?:
Cubrir o impreso de solicitude dirixido ao Servizo de Medio Ambiente e demais documentación que se indica na apartado Documentación necesaria.
Como se fai?:
- De forma presencial no Rexistro Xeral. Nas localizacións indicadas máis abaixo.
- Por correo certificado dirixido ao Rexistro Xeral do concello.
- Nos demais supostos contemplados no art 16.4 da lei 39/2015, de 1 de outubro, do procedemento administrativo común das Administracións Públicas
Internet
Que se necesita?:
Deberá dispoñer de certificado dixital .
Unha vez cuberta a solicitude telemática debe ter preparados os ficheiros que necesite para xustificar a instalación que solicita, segundo se especifica no apartado "Documentación necesaria".
No proceso de presentación solicitaráselle que asine dixitalmente a documentación presentada (deberá dispoñer de Autofirma no seu equipo), polo que non é recomendable asinar previamente a solicitude ou outros documentos.
Como se fai?:
A través desta Sede electrónica municipal.
En aplicación do artigo 14.2 da Lei 39/2015, de Procedemento Administrativo Común, teñen a obrigación de realizar este trámite, a través da Sede electrónica:
a) As persoas xurídicas.
b) As entidades sen personalidade xurídica (asociacións, sociedades civís, comunidades de propietarios etc).
c) Quen exerza unha actividade profesional para a que se requira colexiación obrigatoria, para os trámites e actuacións que realicen coas Administracións Públicas en exercicio da de dita actividade profesional. En todo caso, dentro deste colectivo entenderanse incluídos os notarios e rexistradores da propiedade e mercantís.
d) Quen represente a un interesado que estea obrigado a relacionarse electronicamente coa Administración.
Páxina web:
https://sede.coruna.gal/opensiac/action/tramitacion?method=enter&id=342
Teléfono
Despois
Prazo de resolución:
Tres meses
Sentido do silencio administrativo:
Desestimatorio
E despois?:
Contra a Resolución que se dite poderanse interpoñer os seguintes recursos:
- Recurso potestativo de Reposición.
- Recurso contencioso - administrativo
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible