1. Estar incluído no ámbito de aplicación definido na base 2 do acordo para a aplicación do sistema transitorio de recoñecemento da progresión da carreia administrativa do Concello da Coruña.
2. Estar en situación de servizo activo no Concello da Coruña ou servizos especiais desempeñando un posto de traballo ou cargo no Concello da Coruña, ou en calquera outra situación administrativa que supoña reserva de praza no prazo de presentación de solicitudes establecido na correspondente convocatoria.
3. Ter a condición de persoal funcionario ou laboral deste Concello a 31/12/2022.
4. Presentar a solicitude de recoñecemento de grao, por medios electrónicos, de acordo co establecido en cada convocatoria.
5. Obter unha avaliación favorable cunha puntuación mínima de 4 puntos segundo o baremo establecido na base 4.4 apartados a), b), c), d), e), f) e g).
6. Cumprir os seguintes requisitos de permanencia desde a toma de posesión no Concello da Coruña na mesma escala, subescala, clase e grupo/subgrupo de clasificación profesional no que se solicita o recoñecemento de grao:

• Para o acceso ao grao inicial e grao I: 5 anos de antigüidade a 31/12/2022.
• Para o acceso ao grao II: 10 anos de antigüidade a 31/12/2022.
• Para o acceso ao grao III: 15 anos de antigüidade a 31/12/2022.
• Para o acceso ao grao IV: 20 anos de antigüidade a 31/12/2022.

Para os efectos de completar o período de permanencia en cada grao, computarase o tempo transcorrido na situación de servizo activo ou en calquera outra situación administrativa que supoña reserva de praza na mesma escala, subescala, clase e grupo/subgrupo de clasificación profesional.