A Xunta de Goberno Local, en sesión extraordinaria e urxente de data 28 de xuño do 2024, acordou aprobar inicialmente o Mapa Estratéxico de Ruído do Termo Municipal da Coruña 4ª fase, segundo o establecido na Lei 37/2003, do 17 de novembro, do ruído, e consonte co procedemento establecido no artigo 10 da vixente Ordenanza de ruído da Coruña.

O que se fai público para que as persoas interesadas poidan presentar por escrito, dentro do prazo DUN MES dende o día seguinte ao da publicación deste anuncio (Boletín Oficial da Provincia núm. 128 do 04.07.2024), as alegacións e propostas que estimen pertinentes, para o cal poderán examinar o antedito Mapa Estratéxico presencialmente nas oficinas da Área de Medio Ambiente do Concello da Coruña, sitas na rúa Pedro Ferrer s/n (Edificio Casa da Auga, 5ª planta) durante o devandito prazo e nos días e horas hábiles (09:00 a 13:00 h), ou ben a través da web do Servizo de Medio Ambiente: www.coruna.gal/medioambiente

As alegacións e propostas poderán presentarse, ademais de en calquera dos rexistros previstos no artigo 16.4 da Lei 39/2015, do 1 de outubro, reguladora do procedemento administrativo común das Administracións públicas, a través desta plataforma de "participación pública" da web Coruña Sostible.

Formulario de consulta pública de la 4ª fase del Mapa de Ruido

Memoria: https://www.coruna.gal/documentos/descarga.jsp?22439380274

Planos: https://www.coruna.gal/documentos/descarga.jsp?22441280103

Memoria resumen: https://www.coruna.gal/documentos/descarga.jsp?22441380094

Visor (marcar Categoría Ruido y Año de consulta 2022): Coruña Sostenible - Información Ambiental (coruna.gal)