Se che apetece coñecer algún dos espazos máis interesantes relacionados co medio ambiente da nosa cidade, esta proposta vaiche interesar moito.

Á marxe das visitas guiadas que se desenvolven como complemento ás actividades de educación ambiental, existe un programa específico e permanente de visitas guiadas ao longo de todo o ano aos principais espazos naturais e infraestruturas ambientais de titularidade municipal, dirixidas tanto aos propios centros educativos como ao conxunto da cidadanía.

Tes unha grande oferta de lugares de interese para visitar, tanto instalacións municipais como espazos abertos de interese ambiental. Non desperdicies a ocasión de coñecer mellor o teu municipio.