Concello da Coruña

Nos últimos anos, desde a Área de Medio Ambiente puxéronse en marcha diferentes plans de xestión da calidade ambiental que precisan dunha complexa estrutura de procedementos para optimizar o seu funcionamento.

A utilización de sistemas de xestión certificados nos procedementos de traballo permite a súa estandarización e homoxeneización, á vez que supoñen unha referencia tanxible na procura da mellora continua.

Boa parte das actividades levadas a cabo polo Servizo de Medio Ambiente están baixo diferentes tipos de acreditacións ou recoñecementos que esixen compromisos de optimización da xestión, como é o caso das normas ISO 14001:2015 de xestión ambiental ou a Bandeira Azul, galardón que implica unha aposta clara pola protección dos nosos areais.