Concello da Coruña

Coñeces a compostaxe?

Consiste en transformar os residuos orgánicos do teu fogar nun fertilizante para as túas plantas ou xardín. É sinxelo e moi cómodo.

Só tes que ter un pequeno espazo no xardín ou na horta e un composteiro.

Coa compostaxe, reciclas a materia orgánica e axudas a reducir a cantidade de residuos que acaban no colector. Os residuos non viaxan porque quedan na túa casa e isto permite cerrar o ciclo da materia orgánica, como na natureza, ademais de axudar a frear o cambio climático.

Queres formar parte? Estes son os criterios de inscrición:

• Que a vivenda na que vas poñer o composteiro pertenza ao concello da Coruña e a un destes dous barrios preferentemente. Se quedasen prazas dispoñibles escolleranse doutros barrios da cidade.
• Que sexa a túa residencia habitual
• Ter un pequeno espazo no teu xardín ou horta.
• Priorizaranse as vivendas nas que residan un maior número de persoas de maneira habitual
• Estar disposta/o a participar do proxecto educativo: unha formación inicial e tres visitas á túa casa da monitora do proxecto.
• A orde de inscrición definirá que entres ou non nesta primeira fase do programa; Priorizaranse as 50 primeiras persoas inscritas que cumpran mellor estes requisitos

A cambio, terás:

• un composteiro para situar na túa vivenda
• un manual de compostaxe
• unha formación ao comezo
• a axuda dunha técnica en compostaxe de Amigos da Terra á que lle poderás consultar todas as dúbidas e que te visitará na túa casa para facer o seguimento do proxecto.

De entre todas as solicitudes recibidas, realizaremos a selección para esta primeira parte, e se non es elixida/o non te desanimes, quedarás na lista de espera para a seguinte convocatoria.

Inscríbete enviando a ficha de inscrición a: AQUÍ

Porque é cómodo, porque é ecolóxico, porque está de moda, porque tes compost gratis, porque participa toda a familia, porque freas o cambio climático. Sobran os motivos.

Apúntaste? Composta Coruña!

Folleto Composta Coruña (920 KB)