En maio o Goberno Municipal aprobou o plan Coruña Cidade 30 que supón que no 95% das vias da cidade a velocidade está limitada a 30 km/h.

Nas rúas de plataforma única a velocidade limítase a 10 km/h podéndose incrementar ata 20 km/h se pasa o transporte público.

As medidas de acougado de tráfico e as campañas para incentivar a condución sosegada permitirán que se respecten eses límites.

Pola situación epidemiolóxica que se está vivindo tivéronse que habilitar temporalmente espazos de calzada para poder manter as medidas de distanciamento social.

Moitas destas peonalizacións están a adquirir o carácter de permanente, algunha de forma inmediata e outras nos próximos meses, cando finalicen os procesos administrativos de licitación e construción.

Destacar a senda para corredores que se implementou encima das vías do antigo tranvía turístico que percorría o Paseo Marítimo da Cidade.

A ampliación provisional do espazo peonil nos Cantóns converterase en definitiva cando leve a cabo o proxecto de peonalización, humanización e naturalización xa presentado á cidadanía e que tivo ampla aceptación.