A participación cidadá pode darse de diferentes formas e a distintos niveis. O índice de participación das persoas en asociacións é un importante indicador do grao de participación cidadá.

As asociacións representan a colectivos e grupos de veciños e veciñas con intereses comúns e supoñen unha ferramenta importante de participación cidadá. A través das entidades, a cidadanía consegue que as súas demandas e propostas cheguen de maneira efectiva á Administración local.

No Regulamento Orgánico de Participación Cidadá do Concello da Coruña recóllese que as asociacións considéranse instrumentos preferentes e canles ordinarias de participación. Isto é así porque se trata de entidades que nacen con vocación de defender os intereses xerais ou sectoriais da cidadanía en materias de competencia municipal.

Deste xeito, o Servizo de Participación Cidadá municipal fomenta e estimula o asociacionismo, apoiando calquera iniciativa neste ámbito.