Titularidade: Consellería de Educación e Ordenación Universitaria

Competencias do Concello nos colexios públicos:

• Vixilancia (conserxe)
• Climatización (calefacción)
• Mantemento, conservación do edificio e limpeza

Competencias da Xunta (Consellería de Educación e Ordenación Universitaria):

• Profesorado.
• Infraestruturas e obras

Niveis educativos:

• Segundo ciclo de educación infantil (3-6 anos)
• Educación primaria (6-12 anos)

Aulas de informática:

• Aula de Informática da Xunta

Actividades extraescolares:

• Servizo de comedor: Descrición: servizo de comida e monitor (comida de catering tipo caseiro, con posibilidade de dietas especiais por prescrición médica) con sesións de hixiene persoal e actividades lúdicas despois da comida. Persoas destinatarias: alumnado de segundo ciclo de educación infantil e de educación primaria. Horario: luns a venres de 14:00 h. a 16:00 h. Inscrición: na APA do centro. Titularidade: FAPA.
• Madrugadores: Descrición: programa dedicado a conciliar a vida familiar e laboral cubrindo necesidade de atención ao alumnado pola mañá, antes do inicio das clases, mediante actividades encamiñadas a fomentar a súa creatividade, autonomía e interese por coñecer e gozar da súa contorna, con ou sen servizo de almorzo. Persoas destinatarias: alumnado de segundo ciclo de educación infantil e de educación primaria. Horario: horario do servizo: luns a venres de 07:30 h. a 09:00 h. Horario de recepción do alumnado con almorzo: de 07:30 h a 08:15 h. Horario de recepción do alumnado sen almorzo: 08:00 h. a 08:15 h. Inscrición: no mes de xuño, para comedores que comezan en setembro. Antes do 22 de cada mes, para empezar o mes seguinte. Titularidade: FAPA.
• Luditarde: Descrición: actividades lúdicas relacionadas cun centro de interese urbano, ligado a temas relacionados con educación para a saúde, educación viaria, educación para a paz, educación medio ambiental etc., a partir dos cales se desenvolven os distintos contidos: dinamización teatral, animación á cultura, xadrez, producións plásticas, música, actividades motrices, actividades deportivas e informática. Persoas destinatarias: alumnado de segundo ciclo de educación infantil e educación primaria. Horario: luns a venres de 16:00 h a 18:00 h do 15 de setembro ao 15 de xuño. Inscrición: na APA do centro. Titularidade: Servizo Municipal de Educación.
• Ludiáxiles: Descrición: actividades culturais e deportivas. Culturais: de temática relacionada coa cidade e ambiental mediante actividades de fotografía e vídeo dixitais, grafiti, música, teatro e baile. Deportivas: baloncesto, balonmán, deportes a patín, floorball (hóckey), fútbol sala e softball (béisbol e tenis). Persoas destinatarias: alumnado de quinto e sexto de educación primaria. Horario: dous días por semana de 16:00 h a 18:00 h do 15 de setembro ao 15 de xuño. Inscrición: na APA do centro. Titularidade: Servizo Municipal de Educación.