A Comisión de Seguimento da emerxencia sanitaria composta pola alcaldesa da Coruña, Inés Rey, a concelleira de Medio Ambiente, Yoya Neira, a concelleira de Seguridade Cidadá e Interior, Montserrat Paz, e o concelleiro de Economía e Planificación Estratéxica, José Manuel Lage, ademais de técnicos municipais das diferentes áreas, fixo seguimento este venres do estado actual da recollida de lixo.

Desconvocatoria da folga

A Comisión de Seguimiento valorou positivamente a desconvocatoria da folga acordada polos traballadores da empresa a pasada tarde e confirmou que o Concello traballa xa para poder proceder ao levantamento da emerxencia sanitaria.

Ademáis a comisión acordou intensificar o servizo de limpeza na cidade en puntos clave de acumulación de residuos, unha vez normalizado o servizo de recollida.

Evolución da recollida polo servizo de emerxencia

Na xornada de onte, a empresa de emerxencia que reforza a recollida de residuos na cidade, Valoriza, recolleu un total de 50,06 toneladas de lixo, sen incidencias.

Desde a posta en marcha da recollida de emerxencia dos residuos acumulados nas rúas, os operarios de Valoriza xa recolleron un total de 934,26 toneladas de lixo.

Sen incendios nin incidencias

Nas últimas 24 horas non se produciu ningunha incidencia en relación ao conflito da recollida do lixo. Desde o pasado 24 de xuño, no San Xoán, o Concello contabilizou 160 contedores queimados intencionadamente nos diversos distritos da cidade, actos vandálicos que, ademais de implicar uns custos duns 400.000 euros para as arcas municipais, tamén están a supoñer afectacións e danos a bens patrimoniais das veciñas e veciños da Coruña.

Porcentaxes de recollida da empresa adxudicataria da pasada noite, por zonas

A recollida por parte da empresa Prezero continúa a normalizarse. Así foi, na pasada madrugada, o balance de recollida de lixo por parte da empresa concesionaria do servizo de recollida de lixo.

Monte Alto: 95%

Ciudad Vieja: 50%

Pescadería-Centro: 95%

Rosales-Labañou: 40%

Estadio: 85%

Ventorrillo/Agra del Orzán: 80%

Sagrada Familia: 100%

Sardiñeira-Elviña: 100%

Mallos: 95%

Castrillón: 65%

Castros: 50%

Matogrande-Eirís: 45%

Mesoiro-Feáns-Valaire: 70%