Concello da Coruña

Servizos

A nosa cidade conta cun complexo sistema de limpeza viaria, mecánica e manual, que alcanza ata o último recuncho da armazón urbana. O parque de medios conta con vehículos ecolóxicos, eléctricos e de gas. Entre os primeiros, varredoras, bicicletas e vehículos para o repaso de tarde. Entre os segundos, alxibes e furgonetas.

Pero ademais do traballo da Administración coruñesa por manter a cidade limpa, á vez que coida o medio ambiente, a cidadanía temos que poñer o noso gran de area. É preciso usar os medios ao noso alcance para a recollida selectiva e as papeleiras e que, en consecuencia, todo o proceso de xestión de residuos funcione de forma eficiente.

De entre os modernos equipos de limpeza utilizados pola nosa cidade para chegar mesmo ás zonas máis difíciles, destacan:

• Servizo de varrido mecánico.
• Servizo de baldeo mecánico.
• Equipo de eliminación de grafitis de edificios e mobiliario urbano a través da aplicación a baixa presión de auga e po de rocha.
• Vehículos para a recollida de excrementos caninos.
• Vehículos para a rexeneración de parámetros horizontais (zonas peonís).
• Retirada de carteis.
• Limpeza de manchas.
• Limpeza de túneles.

Plano de ruta de varrido manual

Plano de ruta de varrido mecánico 1

Plano de ruta de varrido mecánico 2

Limpeza de praias

O servizo de limpeza de praias consiste en:

• A retirada manual de algas, papeis, latas, plásticos e outros residuos depositados nas praias polas mareas ou pola cidadanía.
• A limpeza dos areais cun tractor limpa-praias.
• O baleirado das papeleiras e colectores instaladas nas praias.
• A limpeza e o mantemento das instalacións de duchas e lavapés.

Este esforzo está orientado a unha limpeza compatible co seu carácter natural que ano tras ano é recoñecido coas bandeiras azuis e a UNE- EN-ISO 14001.