Requisitos

• Ter nacionalidade española ou ser cidadáns da Unión Europea ou dos Estados parte do Acordo sobre o Espazo Económico Europeo ou Suíza que se atopen en España en exercicio da libre circulación e residencia. Tamén se poderán inscribir as persoas estranxeiras titulares dunha autorización para residir en territorio español que habilite para traballar.
• Estar empadroado/a en calquera localidade do territorio español.
• Ter máis de 16 anos e menos de 30 anos.
• Non traballar no día natural anterior á data de presentación da solicitude.
• Non recibir accións educativas nin formativas no día natural anterior á data de presentación da solicitude.
• Presentar unha declaración expresa de ter interese en participar no Sistema Nacional de Garantía Xuvenil.

Inscrición

A través de seguinte web: https://garantiajuvenil.sepe.es/login.action

Na súa web teñen un vídeo onde che explican como facelo. Tamén che poden axudar dende o SEPE:

• Chama ao 060 e pide "Apoio para inscribirte en Garantía Xuvenil": directamente pasaranche con persoal técnico que te acompañará durante todo o proceso.
• Escribe un correo a info.garantíajuvenil@sepe.es e indica no asunto "Apoio para inscribirse en Garantía Xuvenil": persoal especializado poñerase en contacto contigo canto antes, para axudarche durante todo o proceso de inscrición.

Feita a solicitude, terás que esperar a que che contesten confirmando que xa es persoa beneficiaria deste programa. Deberedes prestarlle atención ao voso correo.

Xa estou inscrito/a. Que teño que facer?

Unha vez que che notificasen a túa inscrición, terás acceso a ofertas de traballo, formación para o emprego, formación en emprendemento, prácticas internacionais... Periodicamente recibirás información destas oportunidades.

No apartado de convocatorias da nosa web poderás comprobar qué entidades teñen actividades e programas para persoas mozas inscritas en Garantía Xuvenil na nosa cidade.

Ademais, existen algunhas entidades que colaboran de maneira permanente con Garantía Xuvenil. Contacta con elas. Na Coruña tes as seguintes:

Cámara de Comercio, Industria e Navegación da Coruña

Programa Talento Joven

R/ Alameda, 30-32, 1.º 15003 A Coruña

Tel.: 981 216 072

Correo electrónico: formacion@camaracoruna.com

Web: https://www.camaracoruna.com/pag/cursos-talento-novo-programa-de-garantia-xuvenil-para-menores-de-30-anos/

(Con cita previa)

Cruz Vermella Española na Coruña

Programa Aceleradores GO

R/ Cruz Vermella Española, 1, 15002 A Coruña

Tel.: 981 221 000

Web: www.cruzvermella.org

Fundación Once

Cantón Grande, 3, 1.º. 15003 A Coruña

Tel.: 981 145 109

Persoas destinatarias: persoas novas con discapacidade