Espazo de Iniciativas Xuvenís da Concellaría de Igualdade, Benestar social e Participación Cidadá está diseñado para que a xuventude teña espazos axeitados en que desenvolver propostas, proxectos ou iniciativas desde e para as mozas e mozos cos recursos necesarios.

Na dinámica de funcionamento do EIX, ademais de proporcionar un espazo coordinado, dinamizado e controlado, preténdense ofrecer accións formativas, creativas, xuntanzas, posibilidade expositiva... así como reforzar sinerxias non só entre usuarios e usuarias do espazo, senón tamén con proxectos similares e con eventos para a xuventude no ámbito local.

O equipamento conta dúas salas de usos múltiples a modo de espazos comúns, abertos, dinámicos e polivalentes dotados con WI-FI e dous puntos de consulta en internet así como dun taboleiro de información xuvenil. Ademais, conta con mobiliario móbil e multiusos, proxector e pantalla, megafonía e equipo de son... o que reforza a idea de espazo polivalente proporcionando cabida a unha tipoloxía variada de propostas.

PERSOAS DESTINATARIAS

Xuventude, entre 12 a 30 anos, a título individual ou en forma de colectivo non formal, asociación xuveníl, cultura... e entidades prestadoras de servizos á mocidade.

CONDICIÓNS DO PROGRAMA

Na actualidade, o EIX acolle desde programas de actividades de ocio saudable durante a fin de semana ata accións de formación complementaria para a xuventude.

Enmarcanse neste espazo unha parte importante dos programas municipais de Coruña Diversidade, así como charlas e conferencias con temática e interese para a xuventude que se veñen realizando con carácter puntual por parte de organismos públicos e entidades do tecido asociativo da cidade con intenso traballo no ámbito xuvenil.

INFORMACIÓN DE CONTACTO

Enderezo electrónico: espazoiniciativasxuvenis@gmail.com

Perfil nas principales redes sociais

http://espazoiniciativasxuvenis.blogspot.com