Quen pode participar?

Os mozos poden expresar o seu desexo de participar no Corpo Europeo de Solidariedade inscribíndose no portal do Corpo Europeo de Solidariedade. É posible rexistrarse no devandito portal a partir dos 17 anos, pero os participantes deben cumprir os 18 anos e non deben ser maiores de 30 anos ao comezo da actividade. No caso dos participantes en actividades solidarias relacionadas coa axuda humanitaria, o límite de idade máxima ao comezo da actividade é de trinta e cinco anos.

Podes facer a túa inscrición aquí. 

Que tipos de proxectos hai?

Os proxectos estrutúranse en dous grupos:

• Participación dos mozos en actividades solidarias
• Voluntariado no ámbito da axuda humanitaria

Actividades solidarias

• Proxectos de voluntariado 
  • Este tipo de actividade solidaria desenvólvese a través de organizacións participantes que brindan aos mozos a oportunidade de levar a cabo unha ampla variedade de actividades dunha maneira estruturada.
  • Que actividades reciben apoio?
    • Voluntariado individual 
      • Pode durar de 2 a 12 meses.
      • Faise en xornada completa (de 30 a 38 horas semanais).
      • Adoita ser transfronteirizo, é dicir, nun país diferente do teu (aínda que tamén pode haber proxectos no teu propio país).
      • Nalgúns casos, pódese facer durante un período máis curto (de 2 semanas a 2 meses), por exemplo, cando se trata de participantes con menos oportunidades ou discapacidade.
      • Terás relación con dúas organizacións:
        • a organización de apoio, que está no teu país de orixe e axudarate a prepararte para a túa experiencia no estranxeiro. Podes buscar a túa organización de apoio na base de datos de organizacións acreditadas / con selo de calidade. 
        • a organización de acollida, que te recibirá e prestará axuda no país de destino.
    • Voluntariado en equipo 
      • As persoas voluntarias realizarán tarefas para un proyecto durante un breve período de tempo (normalmente, pero no de forma exclusiva, durante as vacacións, descansos entre períodos de estudio, transición desde o mundo educativo ao mundo laboral, etc.):
      • Pode durar entre 2 semanas e 2 meses.
      • Faise en xornada completa (de 30 a 38 horas semanais).
      • Realízase con outras persoas de polo menos 2 países distintos. O grupo pode ter entre 10 e 40 participantes e incluír a persoas con menos oportunidades.
      • Non necesitarás unha organización de apoio.
• Voluntariado en equipo en ámbitos de alta prioridade
  • Son proxectos a gran escala e cun impacto elevado en apoio de actividades de voluntariado que levan a cabo persoas mozas vindos de polo menos dous países distintos para dar mostras de solidariedade mediante intervencións de curta duración que fagan fronte a retos europeos comúns en ámbitos estratéxicos definidos cada ano a nivel da UE.
• Proxectos solidarios
  • Un proxecto solidario é unha actividade de solidariedade sen ánimo de lucro iniciada, desenvolvida e executada polos propios mozos durante un período de entre dous e doce meses . Ofrece a un grupo de polo menos 5 persoas mozas a oportunidade de mostrar a súa solidariedade asumindo a responsabilidade e comprometéndose para lograr un cambio positivo na súa comunidade local. O proxecto debe ter un tema claramente identificado que o grupo de mozos desexe explorar xuntos e que debe traducirse nas actividades cotiás concretas do proxecto e implicar a todos os membros do grupo. Os proxectos solidarios deben abordar desafíos clave dentro das comunidades, cando cumpra, incluídos os identificados conxuntamente nas rexións fronteirizas, e tamén achegar valor engadido europeo.
  • Contarás cunha axuda de 500€ mensuales. Para iso, terás que solicitar financiación directa presentando unha solicitude oficial nos plazos establecidos.
  • +INFO: https://youth.europa.eu/solidarity/young-people/solidarity-projects_es

Voluntariado no ámbito da axuda humanitaria

Ten lugar en terceiros países nos que se estean desenvolvendo operacións de axuda humanitaria. Esta acción brinda aos mozos de entre dezaoito e trinta e cinco anos a oportunidade de contribuír á sociedade mediante actividades de voluntariado de curta ou longa duración destinadas a mellorar as condicións de vida das persoas necesitadas. Estes proxectos débense levar a cabo de conformidade cos principios da axuda humanitaria de humanidade, neutralidade, imparcialidade e independencia, así como co principio de «non ocasionar danos».

Que actividades poden beneficiarse do apoio?

• Voluntariado individual
• Voluntariado en equipo
• Actividades complementarias

+INFO: https://youth.europa.eu/solidarity/young-people/volunteering-humanitarian-aid_es

FAQ Corpo Europeo de Solidaridade

https://youth.europa.eu/solidarity/faq_es.

Normativa

Reglamento europeo de 20 de maio de 2021 polo que se establece o Programa do Corpo Europeo de Solidaridade 

.