Acción voluntaria na Coruña

• Oficina Municipal de Voluntariado: voluntariado en deportes, Protección Civil, Bibliotecas e Centros Cívicos (https://www.coruna.gal/participacion/gl/voluntariado)
• Rede de Intermediación de Voluntariado (RIVO) - Concello da Coruña: rede que interrelaciona de maneira útil e efectiva as entidades de voluntariado coas persoas que xa forman parte do equipo de voluntariado municipal e aquelas que teñen interese en realizar actividades neste ámbito. (https://www.coruna.gal/participacion/es/red-de-intermediacion-de-voluntariado-rivo)
• Base de datos de entidades sociais na Coruña (https://www.coruna.gal/serviciossociales/es/centros-y-entidades/entidades

Acción voluntaria en Galicia

Programas de voluntariado postos en marcha pola Dirección Xeral de Xuventude, Participación e Voluntariado (Xunta de Galicia): http://www.voluntariadogalego.org/

Programas de voluntariado na Universidade

• Universidade da Coruña: Oficina de Cooperación e Voluntariado 
• Universidade de Santiago de Compostela: Inclusión e Participación Social 
• Universidade de Vigo: Voluntariado e Cooperación 

Campos de voluntariado

Os Campos de Voluntariado son actividades que se realizan durante o verán nas que grupos de mozos e mozas de diferentes procedencias se comprometen a colaborar de maneira desinteresada e voluntaria en traballos diversos e a participar nunha serie de actividades complementarias que favorecen e fomentan a convivencia, a participación, a tolerancia, a solidariedade e o intercambio cultural.

Son levados a cabo na nosa comunidade, noutras comunidades autónomas e no estranxeiro, baixo o patrocinio, control ou organización de entidades ou organismos oficiais, asociacións xuvenís, culturais, humanitarias etc.

Normalmente son as Direccións Xerais de Xuventude das CC.AA. as encargadas de organizar a maior parte destes campos de traballo, no caso de Galicia é competencia, polo tanto, da Dirección Xeral de Xuventude Participación e Voluntariado. Intenta estar pendente das convocatorias para coñecer a oferta anual e inscribirte dentro dos prazos establecidos.

Particularidades dos campos de traballo:

• É obrigatorio o pago da correspondente cota de inscrición, que cubrirá o aloxamento, a manutención e un seguro de accidentes de responsabilidade civil, por outra banda a viaxe sempre corre por conta dos participantes.
• As idades para participar oscilan entre os 18 e os 30 anos, dependendo dos requisitos que para este aspecto estipule cada proxecto.
• A súa duración varía entre 10 días e un mes (normalmente 2 ou 3 semanas).
• A xornada laboral oscila entre as 35 e 40 horas semanais, quedando o tempo restante para realizar actividades de tempo libre, charlas, debates, visitas culturais, etc.
• As tarefas que se van realizar son moi diversas:
  • Culturais (participación na organización de festas ou eventos culturais...)
  • Medioambientais (recuperación de camiños, espazos naturais...)
  • De construción e restauración (recuperación de edificios ou lugares de uso público...)
  • Sociais (traballo con nenos, maiores, discapacitados, marxinación e exclusión social...)
  • Arqueolóxicas (recuperación ou conservación de xacementos ou monumentos...)

Campos de voluntariado internacionais. Ademais dos xestionados a través das Direccións Xerais de Xuventude, existen outras organizacións sen ánimo de lucro que levan anos implicadas na organización destas actividades. A máis representativa é SCI (Servizo Civil Internacional).