Tes dúas vías:

• A través dun curso, superando todos os módulos formativos que integran o certificado de profesionalidade. Esta formación pódela obter a través dos cursosde formación para o emprego ou en entidades privadas, pero ¡ollo!, só as entidades que estean acreditadas oficialmente poden expedir certificados profesionais. Para saber que entidades están acreditadas utiliza este buscador do SEPE: https://www.todofp.es/que-estudar/certificados-profesionais.html
• Mediante os procedementos establecidos para a avaliación e acreditación das competencias profesionais adquiridas a través da experiencia laboral ou de vías non formais de formación, que che explicamos nunha sección aparte.

Certificados de nivel 1: Non se esixirán requisitos académicos nin profesionais

Certificados de nivel 2:

Deberás reunir algún dos seguintes requisitos:

• Título de persoa graduada en educación secundaria obrigatoria ou equivalente para os efectos de acceso
• Certificado de competencia incluído na oferta para realizar
• Estar en posesión dun certificado profesional de nivel 1 da mesma familia e área profesional
• Curso de formación específico preparatorio para o acceso a ciclos de grao medio
• Proba de acceso a ciclos formativos de grao medio
• Título de técnico básico
• Proba de acceso á universidade para persoas maiores de 25 anos e/ou de 45 anos
• Ter acreditadas as competencias clave necesarias

Certificados de nivel 3:

Deberás reunir algún dos seguintes requisitos:

• Título de persoa Técnica ou Técnica Superior, de Bacharel ou equivalente a efectos de acceso.
• Certificado Profesional de nivel 3.
• Certificado de competencia incluído na oferta para realizar.
• Certificado Profesional de nivel 2 da mesma familia profesional.
• Curso de formación específico preparatorio para o acceso a ciclos de grao superior.
• Proba de acceso a ciclos formativos de grao superior.
• Título de persoa Técnica.
• Certificado Profesional de nivel 2.
• Proba de acceso á universidade para persoas maiores de 25 anos e/ou de 45 anos.
• BUP: título de Bacharel regulado pola Lei 14/1970, de 4 de agosto.
• Ter acreditadas as competencias crave necesarias.

Son aqueles coñecementos previos que tes que ter para poder realizar determinadas accións formativas. Se non reúnes os requisitos de acceso para facer un curso que che de acceso a un certificado profesional (ESO, bacharelato...) acreditando que tes esas competencias crave, poderás realizalos.

• Lingua castelá (Nivel II e Nivel III)
• Matemáticas (Nivel II e Nivel III)
• Lingua galega (Nivel II e Nivel III)

Ademais, para aqueles certificados que inclúan un módulo de lingua estranxeira, requirirase a competencia en comunicación na lingua estranxeira que corresponda (Nivel II e Nivel III)

• Podes facer un curso de formación para o emprego das competencias crave correspondentes.
• Tamén podes presentarche ás probas que se convocan anualmente.
• Tamén existe a posibilidade de realizar autoformación nas competencias crave a través do campus virtual, para logo presentarse ás probas en competencias crave.

Tes toda a info (información sobre as probas, contido dos programas formativos, exemplos de exames, cursos de formación...) en: https://empregoeigualdade.xunta.gal/formacion/competencias-crave