O Curriculum Vitae

É a presentación breve e ordenada das túas principais experiencias académicas e laborais. O seu obxectivo é dar a coñecer o teu perfil profesional e conseguir unha entrevista de traballo. En orientación laboral diranche como melloralo, pero aí van uns consellos:

• En primeiro lugar, deberás definir cal é o teu perfil profesional, é dicir, o conxunto de coñecementos, habilidades ou "softs skills" e experiencia que tes. Para axudarche neste proceso, podes utilizar as seguintes ferramentas:
  • Catálogo Nacional de Cualificacions Profesionais, que é aquel no que se ordenan as cualificaciones profesionais por familias profesionais.
  • Competencias persoais para o emprego (SEPE)
  • Guía de habilidade(s) (Xunta de Galicia)
• Un CV debe ser claro, conciso, concreto e cunha estrutura que facilite a súa lectura.
• Utiliza palabras clave. As palabras clave son termos específicos relacionados co teu traballo e que as empresas buscan nos currículos para identificar candidaturas.
• Na experiencia profesional describe cales foron os teus logros ou os teus desempeños en postos anteriores. Sempre é mellor utilizar verbos de acción.
• Lembra que o CV sempre debe esta adaptado ao posto de traballo ao que se opta.
• Redacta un currículo completo, que recolla toda a túa vida laboral e as competencias adquiridas, e baseándote nel, prepara currículos para cada oferta de traballo.
• Coida a presentación destes documentos e revisa a ortografía antes de envialos.
• Se non se ten moita experiencia de traballo ou ningunha, débese describir calquera experiencia de voluntariado, estudos ou intercambios no estranxeiro, prácticas e outras habilidades que teñas.
• Currículo web: Utiliza as ferramentas que che ofrece Internet para crear un CV que poderás xestionar, actualizar ou compartir facilmente a través das redes sociais ou correo electrónico. Podes utilizar Que é o Europass?