O Museo de Ciencia e Tecnoloxía (MUNCYT) presenta a axenda de actividades do mes de outubro de 2024, elaborada arredor da colección do museo e en relación ás diferentes disciplinas científicas e tecnolóxicas. Así mesmo conta con espazos singulares nos que se realizan actividades divulgativas.
Para público en xeral
Dende o 01/10/2024 ata o 31/10/2024
gratis
MUNCYT
Praza do Museo Nacional, 1. 15011 A Coruña
Tel.: 689 578 727
Correo electrónico: reservascor@muncyt.es | infomueso@muncyt.es
TEATRO: CEREBRUM
MÉRCORES 23 ÁS 20.00 H. Público xeral (a partir de 12 anos). Reserva previa.
Show didáctico conducido polo neurocientífico Casto Rivadulla e o actor apaixonado pola ciencia Vicente Mohedano. Non é exactamente unha charla ou un discurso. Non é estritamente un drama ou unha comedia. É un pouco de todo. O seu obxectivo é transmitir coñecementos dunha forma atractiva e divertida, pero sen abandonar o rigor. Enmarcada na XXIV Reunión da Asociación de Museos e Centros de Ciencia e Técnica que se realizará nas sedes do Muncyt, Mega Museo Estrella Galicia e a Domus.
TALLER: TECNOLOXÍA EN FAMILIA: CINTA TRANSPORTADORA
SÁBADO 26 ÁS 12.00 H. Público xeral e familiar. Reserva previa ou no despacho de billetes.
A Noite Europea dos Investigadores é un evento público a escala europea que mostra a diversidade da ciencia e o seu impacto na vida cotiá da cidadanía de forma divertida e inspiradora. Promovido pola Comisión Europea desde o ano 2005 o último venres do mes de setembro, este ano o evento terá lugar en 25 países. O Muncyt colabora desde a súa primeira edición en Galicia con entidades dedicadas á investigación e á divulgación da ciencia. As actividades terán lugar o último venres do mes.
CHARLA: XORNADAS PROFESIONAIS
MÉRCORES 30, EN HORARIO DE MAÑÁ. Público xeral. Inscrición previa.
Produtores e profesionais en xeral do turismo e da hostalería están convocados a participar nestas xornadas organizadas pola Deputación da Coruña nas que persoas destacadas nestes ámbitos, mesmo con recoñecemento internacional, como as Estrelas Michelín nalgún dos casos, expoñerán diversos puntos de vista e motivarán unha maior profesionalización do sector. O museo acollerá a xornada de peche na que, ademais de asistir ás conferencias, as persoas participantes poderán visitar no museo pezas vinculadas aos sectores da alimentación, turismo ou gastronomía.
VISITA: CURTOCIRCUÍTOS E VISITAS FAMILIARES
SÁBADOS E DOMINGOS ÁS 12.30 E 17.00 H. Público xeral e familiar (idade recomendada a partir de 6 anos). Reserva previa ou no despacho de billetes.
Visitas guiadas nas que coñecer as pezas de gran tamaño da Sala Maiúsculas, a cámara de tesouros do museo, o traballo de inventores, a impoñente cabina do Boeing que trasladou o Guernica de Picasso ou os obxectos da Sala S. XX. A visita familiar inclúe un xogo de pistas e unha actividade experimental sobre cada temática.
TALLER: "INGÉNIATELAS!"
SÁBADOS E DOMINGOS ÁS 11.15 H. Público infantil e familiar (6-12 anos). Reserva previa ou no despacho de billetes.
Talleres orientados a desenvolver habilidades propias da enxeñería de maneira divertida e creativa a través de actividades STEAM. Os talleres infantís sobre filtrado de auga (5, 19) e construción bioclimática (12, 26) propoñeranlles ás persoas participantes diversos retos que deberán ser resoltos de maneira colaborativa. En familia, poderán poñer en práctica o "Enxeño romano" (6,13) cos bloques de Lupo para aprender sobre construción, equilibrio, funcionalidade e deseño, ademais de historia e arte; ou desenvolver o seu pensamento computacional (20,27) a través de divertidas experiencias para traballar habilidades cognitivas, sociais, tecnolóxicas ou de programación.
XOGO: DESAFÍOS MUNCYT
SÁBADOS E DOMINGOS ÁS 13.15 E 18.00 H. Sesións dispoñibles segundo o horario de apertura (60 min.). Público familiar (6-12 anos). Reserva previa ou no despacho de billetes. Nota: acceso ao xogo a través dos dispositivos móbiles das e dos participantes.
Xogos de pistas por equipos para que as/os participantes aprendan sobre historia da ciencia e a tecnoloxía, seguindo diversos fíos temáticos e superando as probas relacionadas coa colección do museo. Coñeceredes máis sobre o enxeñeiro Leonardo Torres Quevedo, un grande inventor, que creou máquinas de cálculo, autómatas, o telekino, precedente do mando a distancia, o transbordador do Niágara, aeronaves...
EXPOSICIÓN: ARTE E CIENCIA: "A INMOLACIÓN DAS CÉLULAS"
Aberta ata novembro.
Exposición de obras elaboradas por estudantes e profesorado de Belas Artes da Universidade de Sevilla coas que investigan, interpretan, experimentan e plasman o suicidio ordenado das células vivas para manter o equilibrio dos organismos. Seguindo avances científicos, busca enriquecer a experiencia do público cun enfoque innovador máis aló das aproximacións artísticas convencionais. As obras fomentan a exploración interdisciplinar e o uso de tecnoloxías en combinación con técnicas tradicionais que requiren da participación do público.
VISITA: PROGRAMA EDUCATIVO PARA GRUPOS
Opcións segundo tipo de grupo, con reserva previa.
O MUNCYT desenvolve unha serie de propostas divulgativas arredor da colección do museo e en relación con diferentes áreas científicas e tecnolóxicas. O museo ofrece ademais a posibilidade de realizar visitas con ILSE en colaboración coa FAXPG e adapta os seus contidos para facilitar a participación de diferentes tipos de grupos en colaboración coas entidades que realizan a reserva. Os grupos poden realizar visitas guiadas, talleres ou xogos de pistas para coñecer a colección do museo. Consulta a oferta completa de actividades na web do museo.
Dende o 25/10/2024 ata o 02/11/2024
Dende o 21/10/2024
Dende o 10/10/2024 ata o 30/10/2024
O programa AIX desenvolverase de novembro 2024 a maio 2025
Prazo de envío de solicitudes do 19/09/2024 ata o 02/10/2024, ambos incluidos
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible