Concello da Coruña

Concello da Coruña
Iniciar sesión

Información Xuvenil

coruna.gal

Bolsas de carácter xeral para estudantes que cursen estudos postobrigatorios no curso 2025/2026

O Ministerio de Educación, Formación Profesional e Deportes convoca bolsas de estudos para estudantes que no curso académico 2025-2026 cursen ensinanzas postobrigatorias, universitarias e non universitarias, con validez en todo o territorio nacional.

A quen vai dirixido:

Para público en xeral

Inscricións:

Dende o 24/03/2025 ata o 14/05/2025

ás 15.00 horas

Requisitos:

  • Estudantes que non superen unha determinada renda e/ou patrimonio familiar, que cumpran uns determinados requisitos de aproveitamento académico e estean cursando algúns dos seguintes ensinos:
  • Ensinos postobrigatorios e superiores non universitarios:
    • Primeiro e segundo cursos de bacharelato.
    • Ciclos de Formación Profesional de grao medio e de grao superior, incluídos os estudos de formación profesional realizados nos centros docentes militares.
    • Ensinanzas artísticas profesionais.
    • Ensinanzas deportivas.
    • Estudos relixiosos superiores.
    • Estudos de idiomas realizados en escolas oficiais de titularidade das administracións educativas, incluída a modalidade de distancia.
    • Cursos de acceso e cursos de preparación para as probas de acceso á formación profesional e cursos de formación específicos para o acceso aos ciclos formativos de grao medio e grao superior impartidos en centros públicos e en centros privados concertados que teñan autorizadas ensinanzas de formación profesional.
    • Ciclos Formativos de Grao Básico.
  • Ensinos artísticos superiores e ensinos universitarios:
    • Ensinos artísticos superiores.
    • Ensinos universitarios conducentes a títulos oficiais de grao e de máster, incluídos os estudos de grao e máster cursados nos centros universitarios da defensa e da garda civil, así como os cursados no Centro Universitario de Formación da Policía Nacional, O.A.
    • Curso de preparación para acceso á universidade de maiores de 25 anos impartido por universidades públicas.
    • Complementos de formación para acceso ou obtención do título de máster e créditos complementarios para a obtención do título de grao. Non se inclúen nesta convocatoria as bolsas para a realización de estudos correspondentes ao terceiro ciclo ou doutoramento, estudos de especialización nin títulos propios das universidades.
  • Non estar en posesión (nin reunir os requisitos legais para a súa obtención) dun título oficial do mesmo ou superior nivel ao correspondente ao dos estudos para os que se solicita a bolsa a data 30 de setembro de 2025.
  • A solicitude deberase cubrir mediante o formulario accesible por vía telemática a través da sede electrónica do Ministerio de Educación, Formación Profesional e Deportes.

Remuneración / Custo:

Compoñentes das bolsas e contías:

  • Contías fixas. Serán as seguintes:
    • Bolsa de matrícula para alumnado universitario e de ensinos artísticos superiores. A contía da bolsa de matrícula cubrirá o importe dos créditos de que se matriculou o/a estudante por primeira vez no curso 2025-2026. Aplicarase o limiar 3 de renda familiar.
    • Contía fixa ligada á renda do/a estudante: 1.700,00 euros tanto para estudantes universitarios/as como non universitarios/as. Aplicarase o limiar 1 de renda familiar.
    • Contía fixa ligada á residencia do/a estudante durante o curso escolar: 2.700,00 euros tanto para alumnado universitario como non universitario. Aplicarase o limiar 2 de renda familiar.
    • Contía fixa ligada á excelencia académica: entre 50 e 125 euros tanto para estudantes universitarios/as como non universitarios/as. Aplicarase o limiar 3 de renda familiar.
    • Bolsa básica para alumnado non universitario: 300,00 euros. No caso de bolseiros7as que cursen Ciclos Formativos de Grao Básico esta contía será de 350 euros. Aplicarase o limiar 3 de renda familiar. A bolsa básica será incompatible coa contía fixa ligada á renda.
    • Contías adicionais para bolseiros/as con domicilio familiar na España insular, Ceuta e Melilla e para o estudantado universitario con discapacidade.
  • Contía variable e distinta para os/as diferentes solicitantes que resultará da ponderación da nota media do expediente do/a estudante e da súa renda familiar e cuxo importe mínimo será de 60,00 euros.

Páxina web:

www.becaseducacion.gob.es

Contacto:

Ministerio de Educación, Formación Profesional e Deportes

Teléfono 910 837 937 (de luns a venres, das 9.00 ás 17.30 h)

Unidades de bolsas de estudo da administración educativa ou universidades correspondentes:

  • Unidade de Bolsas para estudos non universitarios na Coruña: rúa Vicente Ferrer, 2, 9.º. Edificio Administrativo Monelos. Teléf.: 981 184 741. Correo electrónico: bolsas.ed.co@xunta.gal
  • Unidade de Bolsas para estudos universitarios na Coruña: Sección de Bolsas - Pavillón de Estudantes. Campus de Elviña. Teléf.: 981 167 000. Correo electrónico: bolsas@udc.gal

Publicación:

BOE 05/03/2025 (Real decreto 163/2025, do 4 de marzo, polo que se establecen os limiares de renda e patrimonio familiar e as contías das bolsas e axudas ao estudo para o curso 2025-2026, e se modifica parcialmente o Real decreto 1721/2007, do 21 de decembro, polo que se establece o réxime das bolsas e axudas ao estudo personalizadas).

BOE 20/03/2025 (extracto da convocatoria)

Base de Datos Nacional de Subvencións BDNS(Identif.): 821187 (texto completo da convocatoria)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible