As propostas presentadas deben orientarse á sensibilización, prevención, detección e loita fronte o acoso sexual ou por razón de sexo ou orientación e identidade sexual.

A presentación a través da modalidade de cartel terá como finalidade a difusión do "Protocolo para a prevención, detección e actuación da UDC ante situacións de violencia de xénero, violencias sexuais, violencias LGTBIfóbicas, discriminación ou acoso sexista ou por razón de sexo, orientación afectivo-sexual, identidade ou expresión de xénero e características sexuais" da UDC.

As presentacións deben realizarse nos seguintes formatos:

• Cartel: entregarase en formato JPG con 300 ppp.
• Vídeo: terá unha duración máxima de 2 minutos. Admitiranse microvídeos realizados con dispositivos móbiles ou en plataformas dixitais creadas para tal fin (TikTok, Instagram ou similar) sempre que estean libres de publicidade e que conten cos permisos de reprodución e difusión pertinentes.
• Podcast: terá unha duración mínima de 5 minutos e máxima de 10 minutos. Entregarase nun ficheiro en formato MP4.
• Microrrelatos ou micropoemas: a extensión máxima será de 200 palabras. Entregaranse en formato PDF.