Poderán presentarse os traballos de fin de grao (TFG) e de fin de mestrado (TFM) defendidos no curso 2023/24 en calquera das titulacións oficiais de grao e mestrado impartidas na UDC.

Deberase presentar o modelo de solicitude (Anexo I) e o consentimento para a obtención de datos persoais, captación e difusión de datos (Anexo 2) cubertos e asinados, xunto cunha ligazón ao cartafol que conteña:

• documento íntegro do TFG ou TFM;
• resumo do traballo realizado (entre 1500 e 3000 palabras) en que se describan os obxectivos do traballo, metodoloxía e conclusións, así como a forma en que se introduciu a perspectiva de xénero no traballo; 
• copia do DNI escaneado

A documentación presentarase preferiblemente mediante o Rexistro Electrónico da UDC.