QUE OFRECE O PROGRAMA?

O Xuventude Mentoring, como programa integral, está composto por 4 grandes bloques de accións que se desenvolverán, fundamentalmente, entre os meses de novembro de 2024 e febreiro de 2025:

• Actividades de asesoramento e acompañamento polo persoal do equipo de titores/as ao longo de todo o calendario. Estas persoas especialistas en orientación e apoio á inserción laboral acompañarán de xeito individualizado a cada persoa participante no seu percorrido ao longo da súa participación no programa.
• Actividades de mentoría a cargo de persoas profesionais procedentes do empresariado galego. Cada persoa moza participante terá asignada unha persoa mentora procedente do sector económico ou profesional do seu interese, que lle aconsellará, apoiará e guiará na súa busca de emprego por conta allea ou propia (autoemprego), así como lle axudará a crear e ampliar unha rede de contactos de interese. Terá, polo menos, 3 reunións individuais co seu mentor ou mentora, de forma presencial ou telemática. 
  • Terá, polo menos, 3 reunións individuais co seu mentor ou mentora, de forma presencial ou telemática.
• Actividades formativas de apoio ao desenvolvemento do perfil competencial de cada persoa participante. Estas actividades estarán divididas entre actividades formativas obrigatorias e contidos formativos voluntarios, podendo desenvolverse de maneira presencial, semipresencial ou en liña.
• Actividades de networking e visitas a empresas. Ao longo do programa Xuventude Mentoring promoveranse e organizaranse diversas actividades de interacción e networking a través de eventos presenciais e de visitas a empresas destinadas a mellorar a empregabilidade e establecer unha rede de contactos que apoien as demais tarefas do programa. A participación nestas actividades será voluntaria.

CAL É O CONTIDO DAS ACTIVIDADES FORMATIVAS?

As actividades formativas do programa Xuventude Mentoring dividiranse en formación obrigatoria e formación voluntaria, cun mínimo de 20 horas cada unha.

Na formación obrigatoria as persoas mozas participantes abordarán os seguintes contidos:

• Busca activa de emprego.
• Elaboración do currículum vitae e ferramentas TIC para a súa xestión.
• Ferramentas TIC para o posicionamento e marca persoal.
• Motivación e liderado.
• Habilidades comunicativas, negociación e xestión do estrés.

A formación voluntaria contará entre outros, e segundo se desenvolva o propio programa, cos seguintes contidos obxectivo:

• O autoemprego como opción de desenvolvemento profesional e laboral. 
• A captación do talento nas empresas.
• Sesións prácticas sobre a preparación das entrevistas de traballo.
• Dinámicas de grupo enfocadas aos procesos de selección de persoal.
• A normativa de referencia do marco das relacións laborais.
• Webinarios, actividades de Networking e sesións de formación en centros empresariais (a definir, segundo os perfís e os intereses das persoas participantes).

COMO INSCRIBIRSE AO PROGRAMA?

A inscrición no programa realizarase exclusivamente de xeito telemático a través do formulario e achega da documentación obrigatoria na seguinte páxina web: https://www.xuventudementoring.gal/inscricion/

Só será válida unha única solicitude por persoa. No caso de que algunha persoa presentara unha nova solicitude entenderase que desiste da anterior é só será válida a última presentada.