-Ser maior de idade.

-Ter a nacionalidade dalgún dos estados membros da Unión Europea ou dun estado parte no Acordo sobre o Espazo Económico Europeo, ou ben que lle sexa aplicable o disposto na lexislación sobre réxime comunitario conforme ao Real decreto 240/2007, do 16 de febreiro, sobre entrada, libre circulación e residencia en España de cidadáns/as dos estados membros da Unión Europea e doutros estados parte no Acordo sobre o Espazo Económico Europeo, ou ser nacional dun terceiro estado que teña subscrito con España un convenio internacional no que cada parte recoñeza o acceso ao exercicio destas actividades aos nacionais da outra.

-Estar en posesión do título de graduado en educación secundaria obrigatoria, de técnico, ou outros equivalentes a efectos profesionais, ou superiores.

-Posuír a aptitude psicofísica necesaria para o exercicio das respectivas funcións de garda rural, a teor do disposto no Real decreto 2487/1998, do 20 de novembro, polo que se regula a acreditación da aptitude psicofísica necesaria para ter e usar armas e para prestar servizos de seguridade privada.

-Carecer de antecedentes penais por delitos dolosos.

-Non ser condenado/a por intromisión ilexítima no ámbito de protección do dereito á honra, á intimidade persoal e familiar e á propia imaxe, do segredo das comunicacións ou doutros dereitos fundamentais nos cinco anos anteriores á solicitude.

-Non ser sancionado/a nos dous ou catro anos anteriores, respectivamente, por infracción grave ou moi grave en materia de seguridade privada.

-Non ser separado/a do servizo nas Forzas e Corpos de Seguridade ou nas Forzas Armadas españolas ou do país da súa nacionalidade ou procedencia nos dous anos anteriores.

-Posuír o diploma ou certificación acreditativa de superar o curso ou cursos específicos nos centros de formación para gardas rurais e as súas especialidades.