Concello da Coruña

Concello da Coruña

Información Xuvenil

Área de Benestar Social

Bono emancípate

Axuda destinada ás persoas mozas traballadoras que aluguen ou adquiran en propiedade unha vivenda, para contribuír a sufragar os gastos derivados da súa emancipación nunha vivenda distinta da dos/das seus/súas proxenitores/as.

A quen vai dirixido:

Para público en xeral

Inscricións:

Dende o 06/02/2025 ata o 30/04/2025

Requisitos:

  • Ter menos de 36 anos de idade no momento de solicitar a axuda.
  • Posuír a nacionalidade española ou a dalgún dos Estados membros da Unión Euro pea ou do Espazo Económico Europeo, Suíza, ou o parentesco determinado pola normativa que sexa de aplicación. No caso das persoas estranxeiras non comunitarias deberán acharse en situación de estancia ou residencia regular en España.
  • Dispoñer de, polo menos, unha fonte regular de ingresos na data da solicitude. Para estes efectos, entenderase que teñen unha fonte regular de ingresos quen estea traballando por conta propia ou allea, o persoal investigador en formación e as persoas perceptoras dunha prestación social pública de carácter periódico, contributiva ou asistencial, sempre que poidan acreditar unha vida laboral de, polo menos, tres meses de antigüidade, nos seis meses inmediatamente anteriores ao momento da solicitude, ou unha duración prevista da fonte de ingresos de, polo menos, seis meses, contados desde o día da súa solicitude. No caso de dispoñer de máis dunha fonte regular de ingresos, as rendas computables serán a suma das rendas derivadas das ditas fontes.
  • Ingresos:
    • Para o caso de persoas solicitantes con unidade de convivencia, que a suma dos ingresos anuais das persoas que a compoñen sexan iguais ou inferiores a 4 veces o IPREM. Este límite será de 5 veces o IPREM cando na composición da unidade de convivencia haxa persoas cunha discapacidade inferior ao 33 %, e de seis veces o IPREM cando o grao de discapacidade recoñecido sexa igual ou superior ao 33 %.
      • Para o caso da modalidade de alugamento, só se terán en conta as rendas anuais da persoa solicitante no caso de que concorran os seguintes dous requisitos:
        • a) Que no momento de solicitar a axuda ningunha das persoas que conviva na vivenda teña entre si parentesco en primeiro grao de consanguinidade ou ben que todas elas teñan menos de 36 anos de idade.
        • b) Que todas elas subscriban o contrato de alugamento.
    • Para o caso de persoas solicitantes sen unidade de convivencia, que a suma dos seus ingresos anuais sexa igual ou inferior a 3veces o IPREM. Este límite será de 4 veces o IPREM cando a persoa solicitante conte cunha discapacidade inferior ao 33 %, e de cinco veces o IPREM cando o grao de discapacidade recoñecido sexa igual ou superior ao 33 %.
  • Ser titular na Comunidade Autónoma de Galicia, en calidade de persoa arrendataria, dun contrato de alugamento de vivenda formalizado, con posterioridade ao 31 de maio de 2024, ou ter subscrito como adquirente unha escritura pública de compravenda dunha vivenda, con posterioridade ao 31 de maio de 2024, que estea construída e que conte con licenza de primeira ocupación no momento da presentación da solicitude, e xa sexa nova ou usada, ou ser adquirente ou adxudicataria, en primeira transmisión, dunha vivenda protexida de protección autonómica de réxime xeral ou especial.
  • Que a persoa solicitante e as demais persoas integrantes da súa unidade de convivencia estean empadroadas na vivenda arrendada ou adquirida no momento de presentación da correspondente solicitude.

Remuneración / Custo:

  • A axuda farase efectiva a través dunha tarxeta virtual, a cal só poderá ser utilizada en establecementos que teñan establecemento aberto no territorio da Comunidade Autónoma de Galicia para a compra de mobles de salón/comedor, de cuarto, de cociña, de baño, electrodomésticos, artigos de decoración, enxoval de cociña ou de baño, téxtil de fogar, gastos de mudanza ou gastos de xestoría e notaría. Esta tarxeta non poderá ser utilizada en compras a distancia.
  • Os produtos e servizos subvencionados serán aqueles que se adquiran desde a data da activación da tarxeta polas persoas beneficiarias ata o 31 de decembro de 2025.
  • A contía total da axuda é de 1.500 € para as persoas mozas que soliciten a axuda na súa condición de arrendatarias dunha vivenda diferente da dos/das seus/súas proxenitores/as, e de 3.000 € para as que teñan adquirido unha vivenda en propiedade.

Contacto:

Consellería de Cultura, Lingua e Xuventude

Teléfonos: 881 999 025 / 981 544 840 / 012

bonoemancipate.xuventude@xunta.gal

http://xuventude.xunta.es

Publicación:

Procedemento sede electrónica: CT501B 

Non perdas

Non perdas

Inscrición en actividades

Proceso de inscrición nas actividades. Despois de cubrir e enviar un formulario recibirás un correo electrónico de confirmación.

+INFO

Como inscribirme nunha actividade

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión