A ciencia e a igualdade son moi importantes nas bibliotecas, por iso o 11 de febreiro nos sumamos á celebración do día Internacional da Muller e a Nena na Ciencia cun novo centro de interese na sala infantil da biblioteca do Fórum Metropolitano.

Neste centro, queremos responder ás materias STEM agrupando libros de ciencia, tecnoloxía, enxeñaría e matemáticas.

Así que, se queres aprender a pensar coma un xenio/a pero non sabes por onde empezar ou se sentes curiosidade por saber como funcionan as cousas e a miúdo te preguntas por que o mundo é como é, CienciaPro é o teu centro de interese, onde atoparás todas as respostas ás túas preguntas.

Mergúllate na aventura da Ciencia e descúbrea por ti mesma/o. Con CienciaPro ides  alucinar!