• Samuel Merino, máis coñecido como Pompa e Boato, nacido en Mos en 1982, licenciouse en Filosofía na Universidade de Santiago de Compostela. Realizou concertos-recitais por toda Galicia acompañado frecuentemente polo músico Fernán Permuy. A súa obra, reflexiva e autorreferencial, concrétase na oralidade secundaria de recitais e en presentacións breves que transitan do teatro á performance.

• Marta Fornes, nacida en Valencia en 1991 é coñecida como Mississippi é escritora e mestra de primaria. En 2016 subiu aos escenarios por primeira vez para recitar os seus poemas e en 2017 e 2018 converteuse na gañadora do Poetry Slam Valencia, e quedou cuarta no Campionato Nacional de 2018. En 2018, La Moderna publicou o seu primeiro poemario, Que te den Mr. Wonderfool, e en 2019, apareceu o seu segundo libro de poemas, Princesas y lobas, na colección Bebi Fernández Edita do grupo Penguin Random House. En ambas as obras combina a crítica social cunha irreverente reescritura dos contos clásicos de Disney e outras referencias pop. Podes vela recitar os seus poemas na súa canle de Youtube, Mississippi Spoken Word.

• Bebi Fernández, nacida en Alacante en 1992, coñecida en redes como SrtaBebi, di de si mesma que lle gusta a violencia (tamén estudala), maquillarse e prender lume. Sabemos que é criminóloga especializada en violencia de xénero e crime organizado. É unha das voces máis francas, certeiras e irreverentes do panorama literario. Ademais, é editora e activista feminista moi influente nas redes. Ata o día de hoxe o seu rostro segue sendo descoñecido.

• Jesús Castro Yáñez, nacido en Baltar en 1992, gañou o Premio Minerva de Poesía e numerosas mencións en diversos certames de poesía.

• Claudia González Caparrós naceu na Coruña en 1993. Graduada en Estudos Literarios pola Universidade de Barcelona, máster en Historia da Arte Contemporánea pola Universidade Autónoma de Madrid e máster en Literaturas Hispánicas pola Universidade de Indiana (Estados Unidos). É cofundadora de Crisi, un espazo de pensamento na cidade de Barcelona. Alí traballa como libreira e profesora. Tamén traduciu a autoras/es como Kenneth Koch, Barbara Guest ou H.D., e é autora dos poemarios Si la carne es hierba (Sully Morland) e Te miro como quien asiste a un deshielo, ambos publicados por La Bella Varsovia.

• Nuria Vilán, nacida en Vigo en 1993, coñecida en redes como Nuria Vil é unha activista LGBTQIA+ e unha poderosa poeta escénica. Estudou Lingua e Literatura na Universidade de Vigo e en Santiago de Compostela. Artista multidisciplinar que traballa en diversos proxectos nos que fai que a poesía transcenda máis aló da escritura. Forma parte do proxecto de poesía escénica Dúas gamberras e un micro xunto a Vanessa Glemsel. A súa arte é tan honesta coma a súa ideoloxía e posicionamento ante o mundo. Afirma que ve este xénero literario como unha ferramenta que potencia o cambio social: "A miña poesía fala de violencia, da maxia do cotián, de vinganza, de reconstruír o desexo".

• Ismael Ramos naceu en Mazaricos (A Coruña) en 1994. Premio Nacional de Poesía Nova, autor dos poemarios Os fillos da fame (XVII Premio "Johán Carballeira" de Poesía; Xerais, 2016), Lumes (Apiario, 2017) e Lixeiro (Xerais, 2021). En 2019 publica na Bela Varsovia a primeira tradución ao castelán da súa obra, Lumes, pola que recibiu en 2020 o Premio "Javier Morote" das Librerías Recomendan, e posteriormente Lixeiro (La Bella Varsovia, 2021). Os seus poemas foron versionados tamén ao catalán, finés, francés, húngaro, inglés e portugués, e incluídos en numerosas revistas e antoloxías.

• Mario Obrero nacido en Madrid en 2003, comezou a escribir aos sete anos. Publicou os libros Carpintería de armónicos (XIV Premio de Poesía Nova Félix Gran - de; Universidade Popular José Hierro, 2018), Ese ruido ya pájaro (Edicións Entricíclopes, 2019), Peachtree City (XXXIII Premio Loewe á Creación Nova; Visor, 2021) e Cerezas sobre la muerte (La Bella Varsovia, 2022). Cursou Bacharelato de Humanidades no instituto público La Senda de Xetafe. Colabora nos micrófonos de Gente despierta de RNE coa sección de poesía «Un poeta en París». Na actualidade, cursa o grao en Lingua e Literatura Española na UCM.

Nas Bibliotecas Municipais da Coruña iniciamos unha primavera de versos celebrando o Día da Poesía con recitais e talleres nos que, nalgúns casos, poderás participar:

• Día da poesía 2024: Obradoiro de poesía sobre Luísa Villalta
• Primavera literaria 2024: Conversa con Alejandro Tobar, a tradución ao galego e Anita Brookner
• Día da poesía 2024: Obradoiro de poesía sobre Luísa Villalta Recital Déboche unha: recital de Lucía Aldao e Andrea Nunes