Este festival é un evento único por e para o océano do que as bibliotecas tamén participamos e ao que queremos parabenizar por esas dez edicións onde todo océano cabe en Mar de Mares.

Se queres vivir o mar dunha forma diferente, dá unha volta polas bibliotecas: nelas atoparás un incontable número de relatos sobre os océanos que fan vibrar coma o fai navegar a bordo dunha goleta. Podes tamén acceder ao catálogo en liña e visualizar na pantalla algún destes materiais buscando polas palabras claves "mares e oceános".

Enrólate nas Bibliotecas Municipais da Coruña e o seu programa Biblioteca Verde, un espazo para informar, reflexionar e compartir.

Mostras "Mar de Mares"

Desde o 11 ao 25 de setembro en cada unha das Bibliotecas Municipais atoparás un punto de interese con libros e material audiovisual sobre os océanos e os mares.

Ademais, na plataforma de streaming Coruña eFilm compartimos contigo unha escolma de películas relacionadas co mundo mariño.

• Festival Mar de Mares: Océanos de cine

Actividade "Ruta Salgada Mar de Mares"

Poderás participar no sorteo dun pack de 2 entradas para a actividade "Ruta Salgada Mar de Mares", paseo gastronómico en veleiro pola baía, se segues os seguintes pasos:

• Seguir en Instagram as Bibliotecas Municipais da Coruña (@bibcoruna) e o Festival Mar de Mares (@festivalmardemares).
• Subir a Instagram (dende o teu perfil en forma pública) unha fotografía dun libro que recomendes coa temática do mar indicando no texto o porqué da túa achega.
• Mencionar e etiquetar na publicación a @bibcoruna e @festivalmardemares e usar os cancelos #OMeuMardeLibros, #FestivalMardeMares e #Xcelebra.

Consulta as bases completas máis abaixo.