Un fondo de armario literario

Como inflúe o vestiario na nosa cultura? Que papel xoga na literatura e no cine? Desde a capa dun detective ata os zapatos de Dorothy, a moda axuda a contar historias e a definir personaxes inesquecibles. A través dunha selección especial de libros e materiais audiovisuais, mergullarémonos no seu significado máis alá das pasarelas. A asociación que fai a nosa mente ante unha lupa ou unhas botas xigantes teñen moito que ver cos libros presentes nas nosas vidas dende moi pequenos. Por eso esta mostra e obradoiros como recoñecemento ao vestir que non é so escorrentar o frío senón que mostra de onde vimos ou a onde imos.

️Moda e impacto ambiental

Tamén reflexionaremos sobre o lado menos visible da moda: a súa pegada no medio ambiente. O consumismo acelerado, o fast fashion e a produción masiva teñen consecuencias. A través de mostras e obradoiros, abordaremos o impacto do consumo responsable e exploraremos alternativas máis sostibles.

Moda na gran pantalla

Os cines do Fórum Metropolitano únense ao ciclo cunha selección de películas que exploran o mundo da moda desde distintas perspectivas.

Queredes facer da vosa capa un saio?

Esperámosvos na biblioteca do Fórum Metropolitano entre abril e xuño para descubrir unha morea de libros, películas e actividades que poñen a moda en contexto.

Porque vestir non é só abrigarse, senón tamén contar quen somos.

Actividades do ciclo:

Lembra que as inscricións nos obradoiros comeza unha semana antes da data de celebración.

09/04: Obradoiro: Únete á revolución pacifista: customiza!

07/05: Obradoiro: Descubrindo a moda a través da pintura

14/05: Charla: Moda e vangardas contemporáneas