O mércores 14 de maio ás 19 h., na Biblioteca Fórum Metropolitano, temos a charla "Moda e vangardas contemporáneas" a cargo de Blanca Paula Rodríguez Garabatos, para público adulto na que se achegará a relación de influencia entre as vangardas artísticas e a moda.

As vangardas históricas contribuíron a que Arte e Moda romperan cos moldes tradicionais e propugnasen unha nova linguaxe expresiva dotando de liberdade aos creadores de ambas disciplinas.

Nesta conferencia, da man de Blanca Rodríguez Garabatos, veremos exemplos de como, entón e agora, os deseñadores buscan novas ideas de creación que satisfagan tanto o desexo de distinción como as ansias de consumo e buscan inspiración na arte e viceversa.

Blanca Paula Rodríguez Garabatos (Santiago de Compostela, 1973).Investigadora e docente en Historia e Historia da arte.

Licenciada en Dereito e en Historia, na especialidade de Historia Contemporánea e Estudos Americanos, pola Universidade de Santiago de Compostela, é doutora en Estudos Literarios pola Universidade da Coruña cunha tese titulada "Moda de la Belle Époque e indumentaria en la obra de Emilia Pardo Bazán".

É autora do libro "Emilia Pardo Bazán y la moda", publicado por Hércules.

Vide descubrir como a moda non é so para salvarnos do clima senón que é tamén é arte, beleza e cultura.

Acceso libre até completar capacidade.