O mércores 9 de abril ás 18.30 h na Biblioteca Fórum Metropolitano temos o obradoiro "Únete á revolución pacifista: customiza!" impartido por Raquel de Ana Rodríguez (Deriva Cultural), para nenos e nenas de 9 a 14 anos.

Obradoiro enfocado á rapazada cunha parte teórica na que se falará da contaminación e a non xestión dos residuos desta industria. Haberá unha segunda parte na que transformaran unha prenda de roupa dándolle unha segunda vida.

Únete á revolución pacifista: customiza! no Fórum Metropolitano falaremos do impacto ambiental, social e económico que supón o fenómeno da moda fast fashion e o low cost. Poremos en valor a importancia de reutilizar e despregar a nosa creatividade customizando unha prenda de vestir que será aportada pola rapazada.

Deste xeito queremos concienciar a sociedade da importancia de coidar o medio ambiente e de aproveitar os recursos que temos a man. Collede unha prenda que teñades na casa e vide a cambiarlle o estilo para que pareza nova!

*A rapazada aportará unha prenda de vestir para customizar (cazadora, pantalón, camiseta, gorra...)

Actividade con inscrición previa.