Cen anos despois, París volve acoller os Xogos Olímpicos que darán comezo o vindeiro 26 de xullo.

Os Xogos Olímpicos, tamén chamados Olimpíadas, son o evento deportivo internacional máis grande e importante do mundo, no que participan atletas de case todos os países nunha competición multidisciplinaria que se realiza cada catro anos.

Algo de historia:

A tradición da celebración das Olimpíadas remóntase á antigüidade grega (VIII a. C.), cando eran levadas a cabo en homenaxe aos deuses do panteón olímpico (de aí o seu nome).

Os xogos olímpicos da antigüidade celebráronse ata o ano 393 d. C., case doce séculos antes de que fosen retomadas na súa variante moderna, debido á adopción do cristianismo polo Sacro Imperio Romano, cando se prohibiu a realización de todo tipo de festas pagás.

A tradición olímpica retomouse a finais do século XIX, cando o barón de Coubertin, un nobre francés, creou o Comité Olímpico para constituír unhas novas olimpíadas que homenaxeasen ás antigas e que trouxesen de volta a súa mensaxe de competición pacífica entre as nacións.

O ciclo temático:

Con este novo ciclo temático queremos poñer o foco no feito de que os deportes tamén se viven a través da literatura.

Seleccionamos unha escolma de libros e material audiovisual nos que o mundo deportivo é o protagonista.

Por iso, se entre os teus gustos literarios non destacan as historias relacionadas cos deportes animámoste a que pases pola biblioteca Fórum e fagas a túa escolla porque este ano olímpico é un bo momento para explorar e apaixonarte polo deporte a través da literatura.