Acompaña aos autores e autoras que veñen ás bibliotecas para presentar as súas obras.

Un dos alicerces fundamentais das bibliotecas públicas é o seu labor como punto de encontro cultural e instrumento de promoción da lectura e da convivencia cidadá.

Por iso, poñemos á disposición de autores e autoras, os nosos espazos, para que presenten os seus libros e así coñecer de primeira man as súas novidades literarias, establecendo un contacto directo co mundo editorial e achegando aos lectores e lectoras o proceso de creación literaria.

Requisitos para a presentación de obras:

A biblioteca ofrece as súas instalacións para realizar presentacións de libros en colaboración con editoriais, librerías, autores, asociacións etc que cumpran estes requisitos:

• Obra de calidade literaria
• Publicada no ano anterior ou en curso
• Darase prioridade a que o tema, o autor ou a editorial sexa local (municipio da Coruña e área metropolitana) e a súa achega de interese xeral
• As persoas organizadoras do acto comprométense a ceder 1 exemplar da obra como fondo da biblioteca.

A editorial debe ocuparse da edición de invitacións. A biblioteca cede as instalacións e fai a difusión do acto na forma habitual.

Para solicitar as instalacións hai que encher o Formulario de solicitudes .