Viñetas desde o Atlántico, o festival internacional de cómic da Coruña que se celebra anualmente no mes de agosto dende 1998 chega este ano á sú XXVI edición.

O ilustrador local Manel Cráneo (@manelcraneo) asina o cartel desta edición que dá voz e presenza ás mulleres no mundo do cómic, buscando a diversidade, abrindo xanelas ao mundo da animación e a poesía gráfica, poñendo en valor as creadoras e creadores locais e tendendo pontes con Autobán.

Entre o 7 e o 13 de agosto haberá un amplo conxunto de exposicións, charlas e conferencias e visitas de artistas convidados/as como Laura Pérez Vernetti, Alberto Vázquez, Teresa Radice, Stefano Turconi, Isa Feu, Marta Guerreiro, Marika Vila ou Elisa McCausland, entre outras, ademais de realizar merecidas homenaxes aos recentemente desaparecidos Calpurnio Pisón e Francisco Ibáñez.

O festival contará con seis grandes exposicións, ademas de visitas, unha mesa redonda, proxeccións de cinema, música, talleres para profesionais e público infantil, e tamén acollerá o encontro sectorial de editoriais e librerías especializadas de toda España na Rúa de Banda Deseñada.

Coma sempre, as bibliotecas estaremos moi presentes, tanto no propio festival cunha caseta propia onde realizaremos préstamos das últimas novidades e das obras das autoras e autores invitados, así como nas actividades que organizamos arredor desta temática nas nosas bibliotecas:

• Obradoiro express de novela gráfica.
• Obradoiro: As túas primeiras viñetas . Impartido por Diego Burdío
• Obradoiro de iniciación á banda deseñada . (De 6 a 10 anos) Impartido por Santy Gutiérrez
• Obradoiro de iniciación á banda deseñada . (De 11 a 16 anos) Impartido por Santy Gutiérrez

Tes toda a información no blog de cómic Fancómic.