Xogos de Mesa nas Bibliotecas

As bibliotecas municipais ofrecemos unha selección de xogos de mesa para todas as idades e intereses. Este servizo busca promover o desenvolvemento de habilidades cognitivas e sociais, fomentar a creatividade e, sobre todo, crear un espazo para que todas e todos poidan gozar, aprender e socializar.

Porque los juegos, además de ser una actividad que hacemos para entretenernos o divertirnos, también fomentan la interacción social, transformando la biblioteca en un lugar para la convivencia, en un espacio motivador y vibrante con áreas para el juego,

Palabras de Ana Ordás experta en gamificación e bibliotecas.

Aquí tes todo o que necesitas saber para comezar a desfrutar dos xogos de mesa nas nosas bibliotecas:

Que son os Xogos de Mesa e por que apostamos por eles?

Os xogos de mesa non só son unha fonte de entretemento: son ferramentas educativas e sociais que axudan a desenvolver habilidades tan diversas como a estratexia, a memoria, o traballo en equipo e a creatividade.

Nas nosas bibliotecas, creemos que o xogo é un elemento fundamental para o crecemento persoal e a cohesión comunitaria, por iso apostamos por ampliar a nosa colección con xogos para todas as idades e niveis de experiencia.

Categorías de Xogos que podes atopar

Cada biblioteca conta cunha selección variada, organizada en categorías para facilitar a elección. Aquí tes algúns dos tipos de xogos que podes explorar:

• Estratéxicos: Para mentes analíticas que buscan retos e desafíos complexos. Estes xogos son ideais para persoas que queren poñer a proba as súas habilidades de planificación e toma de decisións. 

• Familiares: Perfectos para compartir momentos en familia, son xogos sinxelos pero divertidos, nos que a creatividade e a intuición adoitan ser a clave. 

• Educativos: Xogos que mesturan diversión e aprendizaxe, ideais para os máis pequenos ou para quen queira adquirir coñecementos mentres xoga.

• Cooperativos: Aquí, todas e todos colaboran para acadar un obxectivo común, facendo do traballo en equipo a verdadeira clave para o éxito.

Consulta a colección de cada biblioteca para descubrir que xogos de mesa están dispoñibles e busca o teu favorito ou atrévete con algo novo!

Podes orientarte coa nosa clasificación de xogos:

• Xogos en solitario  
• Xogos para dous  
• Xogos cooperativos  
• Xogos infantís  
• Xogos para familias  
• Xogos clásicos  
• Eurogames  
• Xogos narrativos  
• Xogos rápidos  
• Xogos para festas (Party games) 
• Xogos de rol  
• Xogos de memoria  
• Xogos de cartas  
• Xogos de dados  
• Xogos de lóxica e enxeño  
• Xogos de taboleiro  
• Xogos de habilidade  
• Xogos de fichas  
• Xogos de roles ocultos  
• Xogos de preguntas e respostas  
• Xogos de construción de patróns  
• Xogos de dedución e investigación  
• Xogos abstractos  
• Xogos de estratexia 

Como acceder aos Xogos de Mesa

A participación é moi sinxela. Aquí tes as opcións dispoñibles para gozar dos xogos:

1. Xogo na Biblioteca: Escolle un xogo da colección dispoñible e disfrútao nas áreas habilitadas dentro da biblioteca. É unha opción ideal para probar diferentes xogos en compañía doutras persoas.

2. Préstamo a Domicilio (onde estea dispoñible): Algunhas bibliotecas permiten o préstamo a domicilio dos xogos de mesa. Consulta a dispoñibilidade e as normas de préstamo para levar contigo a diversión e desfrutar desde casa.

3. Participación en Actividades e Eventos Especiais: A rede de bibliotecas organiza regularmente clubs de xogos, encontros e torneos para distintos tipos de xogos e idades. Estas actividades están pensadas para que as persoas usuarias poidan aprender novas estratexias, coñecer outros/as xogadores/as e compartir experiencias nun ambiente entretido e educativo.

Recomendacións para cada nivel e idade

Aquí tes algunhas ideas para comezar:

• Para os máis novos (a partir de 4 anos):Rhino Hero por exemplo. Xogos sinxelos que mesturan diversión e aprendizaxe sen complicacións.

• Para principiantes: Dixit, por exemplo, xogos que son fáciles de aprender e proporcionan unha boa introdución ao mundo dos xogos de mesa.

• Para expertos: ideais para quen busca xogos con maior complexidade e duración.

• Para grupos e familias: Código Secreto, Time's Up! ou Jungle Speed, para un bo rato de risas e competitividade saudable.