Programamos actividades e destacamos distintos materiais como recoñecemento ás mulleres que loitaron contra os convencionalismos sociais que lles tocou vivir abrindo espazos que, ata ese momento, estaban prohibidos para as mulleres.

Na Biblioteca Monte Alto ofrecémosche #WomenDoBD, unha selección de materiais que afondan na figura da muller no cómic ao fío da polémica do Salón do Cómic de Angoulême: de 30 candidatos ao premio, ningunha era muller. Na Biblioteca Sagrada Familia centrámonos nas mulleres ilustradoras, cunha selección de materiais baixo o título "Mulleres que pintan moito".

 Mulleres e poesía é o tema elixido na Biblioteca Fórum Metropolitano. Se o que che interesa é o cine, achégate entón á Biblioteca Castrillón.

Temos tamén estas actividades programadas en especial para estas datas.