Dentro da mostra teremos unha sección especial para Filosofía en galego. 

Aproveitamos ademais a coincidencia no tempo en que o terceiro xoves do mes de novembro é declarado pola UNESCO o Día Mundial da Filosofía, e facemos extensibles os seus obxectivos ás nosas actividades. Queremos destacar a importancia desta disciplina, especialmente de cara á xente nova, e tamén para suliñar que «a filosofía estimula o pensamento crítico e independente e é capaz de traballar en aras dun mellor entendemento do mundo, promovendo a paz e a tolerancia».

Desde a UNESCO aléntase nesta data aos gobernos, institucións educativas e organizacións en xeral a programar actividades sobre o tema da filosofía co público en xeral e nós, como non podía ser doutra forma, fixémolo: