Obxectivos

• Reforzar a relación e o intercambio entre as bibliotecas de aula dos centros e o persoal especializado no tramo de infantil das Bibliotecas Municipais.
• Mediante as actividades realizadas, achegar información sobre a biblioteca, o seu persoal e os seus recursos ás familias e ao profesorado.
• Achegar dun xeito lúdico e cotiá os libros, as historias e a lectura a todos os nenos e nenas da área de influencia da biblioteca.

Metodoloxía

A través dunha metodoloxía activa e participativa, o programa concibe ao alumnado como axente activo na construción do coñecemento. As BBESCOLAS destacan polo:

• Carácter lúdico. A aprendizaxe é impulsada a través do xogo.

• Carácter interactivo. O diálogo establécese como base do proceso de aprendizaxe.

• Carácter creativo. Elemento fundamental que implica un deseño flexible das sesións.

Cómo participar

Para participar no programa é condición necesaria que a escola infantil forme parte da área de influencia delimitada polas Bibliotecas Municipais. Se tedes algunha dúbida ou precisades máis información, preguntade na vosa biblioteca máis próxima!

Onde?

Biblioteca Municipal Ágora

Biblioteca Municipal Fórum

Espazo informativo VOANDEIRA

VOANDEIRA é un espazo informativo -vinculado ao programa BBESCOLAS- no que compartir experiencias educativas en relación coa lectura. Tamén inclúe recomendacións lectoras para nenas e nenos de 1 a 3 anos e persoal educador, novas desenvoltas na biblioteca e pequenas pílulas para favorecer a lectura no fogar.