En que consisten estas actividades?

Hai persoas que teñen dificultades no acceso á lectura por diversas razóns: pouca ou nula escolarización, mala comprensión de textos, alfabetización noutra lingua...

Trátase de manter reunións para a lectura e análise de textos sinxelos que propicien unha progresiva mellora na súa compresión, a perda do medo á lectura doutros textos máis complexos e a mellora na expresión oral e escrita.

Estas actividades son desenvolvidas por persoas voluntarias. (Para saber máis: Son voluntario/a )

Alfabetización para persoas adultas - Biblioteca Ágora

O programa está centrado na formación básica informal para persoas maiores que por determinadas circunstancias na súa infancia e/ou mocidade non tiveron acceso ao ensino regrado ou o tiveron moi limitado.

Club de Lectura en voz alta - Biblioteca Ágora

É unha liña de traballo de formación non regrada baseada na lectura en voz alta de libros a grupos de persoas cunha escolarización deficiente ou que tiveron que abandonar os estudos a unha idade moi temperá.

Ten como finalidade mellorar as competencias de lectura, escritura, comprensión, coñecementos básicos e cultura xeral das persoas que asisten ás sesións.