Nas Bibliotecas Municipais da Coruña non queremos deixar de compartir a nosa paixón pola lectura, e por iso ofrecemos novas prazas para clubs de lectura. 

Se tes máis de 18 anos, se che gusta ler, falar, escoitar, conversar... e tes libres os venres entre as 19.00 e as 20.30 h, apúntante ao Club da Gramela dos venres da Biblioteca Ágora, e comparte con xente coma ti eses grandes praceres que proporciona a lectura. 

Nós prestámosche os libros (unhas lecturas en papel e outras en formato dixital), ti les, e cada quince días, reunímonos na biblio con outras lectoras e lectores para intercambiar opinións. Non precisas grandes coñecementos de literatura. Simplemente abonda con que che guste ler e debater. Agardámoste!