Visualiza gratuitamente Los 5 cortos de Els 5 QK's e Maricones: El cine de Els 5 QK'S e ven despois ao encontro que temos organizado onde, recuperando pequenos clips das películas, iremos analizando e debatindo sobre moitos temas e aspectos tratados nos filmes.

Esta será unha sesión 2x1 para despedir a tempada do club de cine e farémolo achegándonos aos Els 5 QKs, un grupo queer que realizou case unha vintena de películas na Barcelona da transición. 

Quen eran Els 5 QK´s?

Foi un colectivo cinematográfico underground que se mantivo activo entre 1975 e 1986, en Barcelona. Estivo integrado por Alfonso de sierra, Luis Escribano, Ramón Massa, Cesc Pérez e Enric Bentz.

Chegaron a realizar 29 pezas cinematográficas caracterizáronse todas elas por transgredir as normas de xénero e onde a pluma se utiliza como vehículo expresivo e tamén de reivindicación.

Cal é a dinámica do cineclub?

1. Cada persoa toma en préstamo e visualiza a peza seleccionada na plataforma de streaming Coruña efilm. Para acceder só necesitas ser socix das bibliotecas. Segue os pasos que che indicamos no titorial  Coruña eFilm .
2. Asistir o día da reunión e seguir o debate proposto.