Que pasa cando se xunta ilustración e palabra escrita? Que xorden os grandes álbums ilustrados. Que pasa cando se xunta ilustración e palabra contada? Pois que xorde Contos debuxados, debuxos contados. O ilustrador Mark Taeger e o contador de contos Caxoto executan este man a man escénico nun perigoso experimento que non foi autorizado por ningunha autoridade competente. Dun lado a picaresca, o trazo conciso e a fantasía visual de Marc, e doutro lado a retranca, a voz firme e o maxín bulebule de Caxoto. E se iso fose pouco, nun triplo salto mortal a esta mestura engadímoslle a participación imprevisible do público... Que temos como resultado? Pois un espectáculo cheo de vitalidade, situacións esperpénticas, personaxes inesquecibles, creatividade desbordada, algunha que outra liorta escénica e moito divertimento.

A actividade desenvolverase na aula 8 do Centro Ágora e haberá dous pases: 

• "Contos debuxados, debuxos contados", de Caxoto (con Marc Taeger), ás 17.00 h
• "Contos debuxados, debuxos contados", de Caxoto (con Marc Taeger), ás 18.30 h

Hai que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade. 

Organiza Normalización Lingüística do Concello da Coruña dentro do programa Apego.